Kua mutu noa atu te moemoeā mō te reo Māori: he mahere kē

 

I whakawhiwhia ki a Ararau Rangi te Tohu Tiketike i Ngā Tohu Reo Māori ki Ngāmotu i te pō nei.

I riro i te kamupene rererangi te tohu pakihi, ā, nō muri mai whakawhiwhia ai te tohu reo Māori tiketike, a Huia Te Reo, ki a rātou mō te hōtaka tekau tau e whakatō ana i te reo Māori me onā tikanga ki roto i ō rātou wāhi mahi, i tā rātou ratonga hoki ki ngā kiritaki.

Hei tā te Toihau o Te Taura Whiri i te Reo Māori, a Tākuta Wayne Ngata, nā te ū roa a Ararau Rangi ki te whakapiki i te whakamahinga o te reo Māori i rata ai ngā kaiwhakawā: “ko te rongo i ngā mihi pērā i a ‘Kia ora’, i a ‘Nau mai, haere mai ki Aotearoa’ i runga rererangi me te mau a ngā kaimahi i te ‘tohu waha’ e whakaatu ana i te mōhio ki te kōrero Māori, ētahi tauira ruarua noa iho o ngā huarahi i piki ai te reo ki taumata kē i a Ararau Rangi. Ko te whakamahi a Ararau Rangi i te whakamahere reo hei whakaputa hua he tauira anō hoki ki ētahi atu whakahaere.”

I whakawhiwhia ki a Tākuta Huirangi Waikerepuru te Tohu Auroa. Nāna i ārahi te whakarauoratanga o te reo mai i ngā tekau tau 1970. He kaiako reo Māori rongonui a Huirangi, ā, he tohunga hoki ki te mita o te reo o Taranaki. 

E ai ki a Tākuta Ngata, he ao rerekē rawa tēnei i ō te tau i tīmata ai a Tākuta Waikerepuru i āna mahi.

“Kua mate te whakatipuranga i whānau mai i te paunga o te rautau 19 me te tīmatanga o te rautau 20. Kua pupū ake te matangareka o te iwi Māori ki te whakarauora i te reo mā te kōhanga reo, te kura kaupapa, te whakamahere ā-hapori me te āta mahi. Ā, kua kite hoki, ahakoa tōna pōturi i te tuatahi, engari kua kaha haere, te whakaae a te Karauna ki te noho rangapū e rauora ai te reo Māori.”  

Hei tā Tākuta Ngata, ko te Ture mō te Reo Māori 2016 i karawhiua e te Hōnore Te Ururoa Flavell i te Pāremata te tauira o te noho rangapū. “Hei tuatahitanga ake, e whakaae ana te ture hou i te tauawhi a te Karauna me te Māori mō te whakarauoratanga o te reo Māori.”

“Ā tōna wā, ka kitea a 2016 hei tau mātua i mutu ai te moemoeā mō te whakarauora i te reo, ā, i tīmata ai te whakamahere.”

Ngā Tohu Reo Māori 2016 - Ko Ngā Toa

 

 

Te Toa Reo Māori – Tohu Oranga Angitu (Lifetime Achievement)

Dr Huirangi Waikerepuru

Sponsor: Te Taura Whiri i te Reo Māori

 

 

 

Te Toa Reo Māori – Kāwanatanga (Central Government)

Sponsor: Te Puni Kōkiri

Mana Tohu Mātauranga o Aotearoa |NZQA

 

 

Te Toa Reo Māori – Pāpāhotanga (Broadcasting)

Te Reo Irirangi o Aotearoa

Sponsor: Te Māngai Pāho

RNZ

 

 

Te Toa Reo Māori – Hapori (Community)

Sponsor: Te Reo o Taranaki

Te Karaehe Kaumātua o Tīrau  

Tīrau Kaumātua Class

 

 

Te Toa Reo Māori – Mātauranga (Auraki) (English medium education) Sponsor: Ministry of Education

Te Reo Tuatahi - Raewyn Harrison

 

 

Te Toa Reo Māori – Pakihi (Business)

Ararau Rangi

Sponsor: FJ Services

Air New Zealand

 

 

Te Toa Reo Māori – Rangatahi (Youth)

Aaron Koopu

Sponsor: Vodafone

 

 

 

Te Toa Reo Māori – Pāpāho (Media)

Te Reo Irirangi o Aotearoa

Sponsor: Te Taura Whiri i te Reo Māori

RNZ

 

 

Te Toa Reo Māori – Rorohiko/Auaha ( Digital/Innovation)

Kiwa Digital Ltd

Sponsor: Māori Television

 

 

 

Te Toa Reo Māori – Kaunihera ā-Rohe (Local Government)

Sponsor: Te Puni Kōkiri

Te Kaunihera ā-Rohe o te Tonga o Waikato | South Waikato District Council

 

 

Te Toa Reo Māori – Mātauranga (ā-Reo Māori)

(Māori Medium Education)

Te Mihinga Komene

Sponsor: Ministry of Education Te Tahūhū o Te Matauranga

 

 

 

Te Toa Reo Māori – Takitahi (Individual Achievement)

Manuel Springford

Sponsor: Te Reo o Taranaki

 

 

 

Te Toa Reo Māori – Te Wiki o te Reo Māori (Māori Language Week)

Whakaata Māori

Sponsor: Internal Affairs | Te Tari Taiwhenua

Māori Television

 

 

Te Toa Reo Māori – Te Tohu Kairangi  (Special Commendation)

Stacey Morrison

Sponsor: Te Taura Whiri i Te Reo Māori

 

 

 

Te Toa Reo Māori – Mahi Toi me te Whakangahau

(Arts and Entertainment)

Te Rōpū Māori o Pātea

Sponsor: Te Matatini

Pātea Maori Club

 

 

Te Tohu reo Māori – Huia te Reo (Supreme Award)

Sponsor: Te Taura Whiri i te Reo Māori

Ararau Rangi

Air New Zealand

RSS Feed