E whai mana ana Te Taura Whiri i te Reo Māori ki te tuku tohu e whai ake nei:

(a)     He tohu whakatau i te mōhio ki te whakawhiti reo ā-waha

(b)     He tohu whakatau i te mōhio ki te whakawhiti reo ā-tuhi

(c)     He tohu whakatau i te mōhio ki te whakawhiti reo ā-waha, ā-tuhi hoki

Nā Te Ture mō Te Reo Māori 2016 i whakahou te kawenga me te haepapa o Te Taura Whiri ki te whakahaere hui whakangungu, whakamātautau anō hoki. Ka tū ēnei hui ki Rotorua ā te marama o Poutūterangi/Maehe, o Paengawhāwhā/Āperira, o Haratua/Mei 2017. Hei te 10 o ngā rā o Pipiri tū ai ngā whakamātautau ki Rotorua.

He kaupapa kore utu tēnei.

Whakamātautau

E rua ngā wāhanga o te whakamātautau

  • te wāhanga tuhi; e toru haora te roa
  • te wāhanga whakawhitiwhiti kōrero ā-waha; kotahi haora te roa.

Kia puta ai te ihu, me eke rawa te kaitono ki te 80 ōrau i te whakamātautau ā-tuhi, ā-waha rānei.

Paearu whakauru

Whakamātautau ā-tuhi

  • me ikeike ngā pūkenga reo Māori, reo Ingarihi hoki ki roto i te huhua o ngā kaupapa me ngā horopaki;
  • me whai wheako ki roto i ngā mahi whakaako reo Māori, mahi rangahau Māori, mahi pāpāho Māori, mahi whakawhanake ā-iwi rānei;
  • me pakeke tonu ngā pūkenga whakaoti mahi ā-wā tika;
  • me whānui anō te mōhio ki ngā momo whānui o te tuhituhi me te kōrero;
  • me mōhio hoki ki Ngā Tikanga Tuhi a Te Taura Whiri i te Reo Māori [PDF, 550 KB]  
  • me matatau anō hoki ki ngā kupu me ngā whakatakotoranga kōrero o mua, o nāianei e tika ana mō tēnei tūmomo whakamātautau.

Whakamātautau ā-waha:

  • me whai wheako te kaitono ki ngā mahi whakamāori, whakapākehā hoki (tae atu ki ngā paearu kua tohua ki runga);
  • me koi tonu te hinengaro ki te whakawhitiwhiti kōrero, ahakoa reo Māori, reo Ingarihi rānei.

Pārongo mō Te Toi Reo Māori 2017

  • Ka tū ngā hui whakangungu me ngā whakamātautau mō Toi Reo Māori ki Rotorua
  • Hei te Rāhina te 27 Huitanguru 2017 kati ai te rēhita mō ngā hui whakangungu
  • Hei te Rāhoroi - Rātapu te 4-5 Poutūterangi te hui tuatahi
  • Hei te Rāhoroi - Rātapu, te 1-2 Paengawhāwhā te hui tuarua
  • Hei te Rāhoroi – Rātapu, te 6-7 Haratua te hui tuatoru
  • Hei te 31 Haratua 2017 kati ai te rēhita mō ngā whakamātautau ā-tuhi, ā-waha anō hoki

Ngā pātai

Mehemea he pātai āu e pā ana ki ngā hui whakangungu, ki ngā whakamātautau rānei. Tukuna mai he karere ki matapuna@tetaurawhiri.govt.nz

Puka-Tono-Toi-Reo-Maori-Hui-Whakangungu-2017.doc 
[DOCX, 43 KB]

Puka-Tono-Toi-Reo-Maori-Whakamatautau-2017.doc

Toi Reo Māori handbook [PDF, 5.9 MB]

·        Ka tū ngā hui whakangungu me ngā whakamātautau mō Toi Reo Māori ki Rotorua

RSS Feed