E whai mana ana Te Taura Whiri i te Reo Māori ki te tuku tohu e whai ake nei:

(a)     He tohu whakatau i te mōhio ki te whakawhiti reo ā-waha

(b)     He tohu whakatau i te mōhio ki te whakawhiti reo ā-tuhi

(c)     He tohu whakatau i te mōhio ki te whakawhiti reo ā-waha, ā-tuhi hoki

Nā Te Ture mō Te Reo Māori 2016 i whakahou te kawenga me te haepapa o Te Taura Whiri ki te whakahaere hui whakangungu, whakamātautau anō hoki.

E āhei ana Te Taura Whiri i te Reo Māori i raro i te Ture mō te Reo Māori (2016) ki te whakamana i ngā pūkenga kairangi o te kaiwhakamāori ā-tuhi, ā-waha anō hoki mā te tuku i te Tohu Toi Reo Māori. Hei whakatutuki i tērā whakaritenga, ka whakahaerehia ētahi hui whakangungu e toru, hei whakapakari, hei whakawhanake i  ngā mahi a te kaiwhakamāori, kaiwhakapākehā hoki. Ka āta tātaringia:

  • ngā ariā, ngā paearu o te kounga, te arotakenga, ngā aratohu tuhi
  • ngā pānuitanga reorua
  • ngā pūrongo ā-kura, ā-pakihi, ā-hapori, aha atu anō
  • ngā karere pāpāho, ngā whakatairangatanga
  • ngā momo whakapākehā kōrero ā-waha
  • ngā momo whakamāori kōrero ā-waha

Ka tū ēnei hui ki Te Wāhanga Māori, Te Aho a Māui (Eastern Institute of Technology), 51 Gloucester Street, Taradale, Napier  

HUI WHAKANGUNGU 1                                             2-3 Māehe 2019

HUI WHAKANGUNGU 2                                             6-7 Āperira 2019

HUI WHAKANGUNGU 3                                             4-5 Mei 2019

WHAKAMĀTAUTAU                                                    18-19 Mei 2019                      

Mēnā e hiahia ana koe ki te whai i tēnei kaupapa ā, he matataunga reorua nōu -

  1. Tēnā, whakakīia te puka rēhita; kia tae rā anō tō tono ki a mātou, ka tukuna he tuhinga hei whakamāori māu i te kāinga
  2. Kia whakahokia mai tō whakamāoritanga, ka arotakengia tōna kounga
  3. Mā te whiwhinga ki te 60 ōrau, ka whakaaetia tō whai wāhitanga mai ki ngā hui whakangungu
  4. Hei te 1 o Tīhema 2018 tīmata ai te wā rēhita, hei te 15 o Hanuere 2019 kati ai

Ka whakaaetia te 20 tāngata anake ki ngā hui whakangungu. 

Mō ētahi atu kōrero, whakapā mai ki Janine@tetaurawhiri.govt.nz

RĒHITATIA(external link)

Toi Reo Māori handbook(external link)

RSS Feed