Te Hono ki Te Reo

Whakamaua kia tīnā!

Ka hono ahau ki te reo nō te mea ko te reo ko au. Ko au te reo. Mā tōku reo ka kiia ahau he tangata. Kei te hono tonu ahau ki te reo he ngāwari, he hari koa hoki; he oranga ngākau, he oranga wairua. Ka whakamahia ngā mea e mōhio ana ahau, ahakoa iti, he pounamu. Tumeke ana 'Te Hono ki Te Reo' ahakoa i te kāinga, i ngā mahi hākinakina, i ngā haere puta noa i te motu whānui. Kei runga noa atu 'Te Hono ki Te Reo'.Ka hono atu ki te reo, ka hari koa rawa atu te noho i te ao hurihuri nei. Ko te rite, he whetū mārama, he whetū ātaahua, kōrekoreko ana mai i te rangi!

Ko te kaupapa hono ki te reo hei whakatumeke kia kaha rawa atu te whai i te reo, hei whakaohooho hoki kia hiakai tonu ki te ako. Mā 'Te Hono ki Te Reo' ka tuwhera mārika tōku hinengaro Māori ki tōku whenua, tōku wairua. Kia whakahaua ōku hoa, me tōku whānau ki te hono atu ki te reo, ka kaha atu taku mahi, taku whakahau, taku awhi i te reo. Mā 'Te Hono ki Te Reo', e hono ngā whānau, ka pūāwai te whanaungatanga ki te nuku o te whenua. Mā 'Te Hono ki Te Reo' tātou o Aotearoa e whakakotahi! He mātāpuna akoranga nō Aotearoa ake ka hū ake i 'Te Hono ki Te Reo'. Tūturu - mā tō tātou reo ka mōhiotia te iwi Māori. He huarahi oranga 'Te Hono ki Te Reo'. He taonga hei whakaoho i a tātou kia kakama, kia ita.
tīmata Whāia kia mau!