Breadcrumbs

He kohinga mai i Te Puna Mātauranga o Aotearoa 1857

image kawana

He kohinga mai i Te Puna Mātauranga o Aotearoa nō te Niu Pepa Whetu o te tau, 1 Whiringa-ā-nuku, 1857.

E hoa e Tamati Ngapora, tēnā rā ko koe te tangata nānā au i whakaako ki ngā mahinga a ngā Patupaierehe. Tēnā ra ko koe e pā.
E hoa, engari tēnā te hoa haere tahi mōu ko tō Papa, ko Tikanga-i-te-rangi. E Mati he nui aku whakaaro mō kōrua ko tō tuakana mō Potatau. Me noho tonu kōrua i runga i te pai, i runga i te āta whakaaro mō ngā Pākeha, mō te tika. He nui tōku aroha mō koutou katoa, mō Makareta, mō Te Paea, mō Patara, mō Epiha hoki. Hei konā rā koutou katoa. Hei konā rā te iwi ouou e noho rā i te ao tūroa, ngā kanohi o ōku hoa kua heke atu rā i te taiheke nui. Hei konā rā koutou. Nā te hoa aroha. 

Nā Hori Kerei, (Signed G, Grey)

Ki a Tamati Ngapora, kei Mangere. 

RSS Feed