Te Tohu Oranga Angitu

Pou Temara

I ekea e Pou ngā tino taumata i te kura, kātahi ka haere ki te Kāreti o Wesley i Tāmakimakaurau.  Ka rere ki tāwāhi ki te tirotiro whenua haere, engari kīhai i roa, ka hoki mai ki te tangi i te matenga o tōna koroua. Whai i muri mai, ka haere i te ao hokohoko, i te ao pāpāho, ā, puta ana anō te ihu o Pou i ērā umanga. Kātahi ka whakarērea e ia tērā ao, ka hoki ake kia oti ngā mahi whakapakari i a ia ki ngā mātauranga onamata, i raro anō i te tohunga rā, i a Hikawera. Ngā kōrero katoa


Te Tohu Huia Te Reo

Jeremy Tātere MacLeod

Kāore pea i tua atu i a Jeremy Tātere MacLeod hei tino tauira o te tangata ako i te reo Māori. I tipu ake i Ahitereiria, kāhore rawa he reo Māori. I roto i te 12 tau mai i tana hokinga mai, kua riro i a ia te tohu Paetahi Hōnore, te Paerua; kua puta te ihu i Te Panekiretanga o te Reo Māori, kua whiwhi i tana raihana Kaiwhakamāori, ā, kei Te Mata Punenga anō.

He pūkōrero a ia mō tōna iwi, ā, kua kopoua ki Te Mātāwai hei māngai mō Te Tairāwhiti. Koia kei te kōkiri i te rautaki hei whakarauora i te reo o roto o Ngāti Kahungunu.

Ko te kanohi o Toi Aotearoa, te rōpū tautoko i tēnei tohu, ko Dean Whiting. Māna e pānui ake ko wai rā te taniwha ka whakanuia ki tēnei tohu i tēnei tau.


Te Tohu Kairangi

Matewa Media Charitable Trust - Moana Reo Māori

Jack Tame

Stuff

Vodafone/Google


 

Kaitautoko | Sponsor

Mahi Toi me te Whakangahau
Arts/Entertainment

Tūwharetoa FM: Tūwharetoa FM Quartet

Whakatau ana a Tūwharetoa whānui me whakamāori te waiata rongonui a Grayson Hughes, a Talk it Over, hei whakareka i ngā taringa o Matatau mā, o Reo-kore mā anō. Puta ana i konei ko ‘Kōrero Tahi’.

Ko tō rātou tūmanako, kia waiatatia a Kōrero Tahi huri noa i te motu, ahu atu ki te ao whānui. E 4,000 neke atu te tokomaha kua whakarongo ki te waiata nei i te ipurangi.

Kaitautoko | Sponsor

Pāpāhotanga / Pāpāho
Broadcasting / Media

Maui Television Productions: PĀIA

He hōtaka rangatahi a Pāia nā Maui Productions, kei runga i Whakaata Māori.

Tōna kaupapa, he whakataetae, he hākinakina hei āwhina i ngā rangatahi ki te kōrero i te reo rangatira i ngā wāhi katoa. Mai te reo mihimihi, ki te reo whakamārama i ngā tohutohu, ki te reo whakataetae.

Kia tōtika te reo - koirā te tuarā o te reo mō Pāia. Otirā kia puāwai i roto i ngā puna reo o te whenua.

Kaitautoko | Sponsor

Pakihi
Business

Fletcher Construction Company and Te Kura Kaupapa Māori o Te Rito

I tētahi 13 kiromita o te ara i Pekapeka ki Ōtaki, kanapa ana mai ngā pānui reorua a Fletcher Construction – nā rātou i whakatū, nā Te Kura Kaupapa Māori o Te Rito i tohutohu, i whakamāori, hei painga mō tō rātou hapori. 

I ia rā, he nui ake i te 18,000 tāngata kei te hipa, kei te kite i te reo Māori e mātiketike mai ana i te taha o te rori, ko te hua o te mahi ngātahi a ngā rōpū e rua nei.  

Kaitautoko | Sponsor

Mātauranga
Education

Te Wānanga o Aotearoa

Nō Paraone Gloyne te whakaaro i matika mai ai a Mahuru Māori.

I te tau 2016, ka whakaurua a Mahuru Māori ki Reo Ora, te rautaki reo a Te Wānanga o Aotearoa. I tēnei tau i tukua a Mahuru Māori ki te iwi nui tonu, e hono ai te iti me te rahi ki te ako i te kupu hou, i te kīwaha, me ētahi atu hanga pārekareka o te reo.

Neke atu i te 350,000 tāngata kei te aru i a Mahuru Māori i runga i ngā whārangi o Pukamata.

Kaitautoko | Sponsor

Kāwanatanga
Government

Watercare Services

I te tau 2015, ka whakatūria e Watercare Services he rōpū waiata, ko Ngā Korimako te ingoa, hei whītiki i te whanaungatanga ki te mana whenua. I whakatūria hoki he whakataetae waiata hei whakanui i Te Wiki o te Reo Māori; 180 ngā kaiwaiata i whai wāhi atu, nō ngā rōpū 12.

I whakahaerea, i whakawāngia hoki te whakataetae ki te reo Māori. I kapohia hei kiriata me te whakairi ki te YouTube; i tukua hoki ngā kiriata ki ngā kaimahi hei akiaki i a rātou kia ako tonu i ngā tikanga me te reo Māori.  

Kaitautoko | Sponsor

Takitahi
Individual

Jeremy Tātere MacLeod

Kāore pea i tua atu i a Jeremy Tātere MacLeod hei tino tauira o te tangata ako i te reo Māori. I tipu ake i Ahitereiria, kāhore rawa he reo Māori. I roto i te 12 tau mai i tana hokinga mai, kua riro i a ia te tohu Paetahi Hōnore, te Paerua; kua puta te ihu i Te Panekiretanga o te Reo Māori, kua whiwhi i tana raihana Kaiwhakamāori, ā, kei Te Mata Punenga anō.

He pūkōrero a ia mō tōna iwi, ā, kua kopoua ki Te Mātāwai hei māngai mō Te Tairāwhiti. Koia kei te kōkiri i te rautaki hei whakarauora i te reo o roto o Ngāti Kahungunu.

Kaitautoko | Sponsor

Te Wiki o te Reo Māori
Māori Language Week

Wackrow Williams and Davies Limited

 

He rōpū roia anō a Wackrow Williams me Davies.

Mō Te Wiki o te Reo Māori, i whakaritea e rātou ētahi kōnae ataata, ka utaina ki a Pukamata, e kitea ai ā rātou mahi toko i te ture e hāpai ana i te reo Māori.

Kotahi te ataata i tukua i ia rā ki a Pukamata hei whakautu i te pātai, “Me pēhea au e whakaora ai i te reo Māori i roto i aku mahi? Arā tētahi o ngā ataata i hipa atu i te 1,000 ngā mātakitanga.

Kaitautoko | Sponsor

Rangatahi
Youth

PĀIA - Maui Television Productions

He hōtaka rangatahi a Pāia nā Maui Television Productions, kei Whakaata Māori e iri ana. Tōna kaupapa, he whakataetae, he hākinakina hei āwhina i ngā rangatahi ki te kōrero i te reo rangatira i ngā wāhi katoa. Mai te reo mihimihi, ki te reo whakamārama i ngā tohutohu, ki te reo whakataetae. He mea nui anō ki a rātou kia tōtika te reo.

RSS Feed