Ka tū ngā hīkoi ki roto o Te Whanganui-a-Tara, Rotorua, Tūranga, Tāmakimakaurau hoki i te tau 2018. Tērā pea ka whakahaerehia he hīkoi anō ki roto o ētahi atu tāone, he pēnā hoki te mahi a te tāone Paeroa i te tau 2017.

Ngā Rā

Te Whanganui-a-Tara: Rāhina/Mane 10 Mahuru (kua tūwhera te rēhita)

Rotorua: Rāapa/Wenerei 12 Mahuru

Tūranga: Rāmere 14 Mahuru

Tāmakimakaurau (Manukau): tbc

E whai ana tēnei i te angitū o ngā Hīkoi Reo Māori i tū ki Te Whanganui-a-Tara i ngā tau 2016, 2017.


Hīkoi Whakanui ki Te Whanganui-a-Tara 

Ka whakatūria anō e Te Taura Whiri i te Reo Māori he Hīkoi Reo Māori ki roto o Te Whanganui-a-Tara hei te 10 Mahuru 2018.

E rua ngā hīkoi kua whakahaerehia e Te Taura Whiri i te Reo Māori i ngā tau kua hori hei whakanui i te tīmatanga o Te Wiki o te Reo Māori, hei whakanui hoki i te reo Māori hei reo kōrero, hei reo ora mō Aotearoa whānui. Kua oti hoki te whiriwhiri i te pepeha mā Te Wiki o te Reo Māori 2018 ‘Kia  Kaha te Reo Māori’ he mea whai i te angitū o te pepeha o te tau kua hipa ‘Kia Ora te Reo Māori’.

Ka tīmata te hīkoi i te poupoutanga o te rā(12pm) ki te Papa Pāremata ka hīkoi i te puku o te tāone ki Te Ngākau, koirā te ingoa hou kua tapaina ki te Pokapū Matua (Civic Square).

Me mihi ka tika ki Te Kaunihera o Pōneke nō nā noa nei i pāohohia ai tā rātou kaupapahere reorua mō te Tāone Nui o Te Whanganui-a-Tara kia tū hei tāone nui reorua hei te tau 2040, ko te ingoa o te kaupapahere ko Te Tauihu(external link).

E tari ana mātou ki te kite i ngā kaihīkoi, i ngā waka hoki he muramura te whakarākai, he tini te tae, he whai kaupapa, he ātaahua te tiro atu, tāngata mai, waka whakangahau mai e whakanui ana i te take o te hīkoi, arā, ko te reo Māori. Mā konei ka aro nui mai te iwi whānui i ngā tiriti ki te hīkoi, ka piki hoki tō rātou mōhio ki te reo Māori

Me pēhea e rongo ai te tangata mō te Hīkoi?

Ka tukuna te karanga ā-īmēra ki ngā kōhanga reo, ngā kura tuatahi, ngā kura tuarua, ngā hapori, ngā iwi, ngā pūtahi kāwanatanga ki te rohe o Te Whanganui-a-Tara, o Wairarapa, o Kāpiti hoki kia tae mai ki te hīkoi hei te Rāhina 10 Mahuru 2018. Ka whakatairangatia hoki te hīkoi ki runga Pāpaho Pāpori, ki te paetukutuku o Te Taura Whiri i te Reo Māori, i ētahi atu momo āhuatanga whakawhitiwhitinga kōrero hoki. I mua i te hīkoi ka tuku ā-ringa atu ētahi kōrero mō te hīkoi, ki ngā pakihi i runga i te ara ka whāia e te hīkoi, hei whakamōhiotanga, hei pōhiri hoki ki a rātou kia whai wāhi mai ki ngā mahi mā te whakairi tohu reo Māori ki ō rātou toa. Ka tuku whakamōhio hoki ki te Retailers Association.

Rēhita – mā raro, mā runga waka/waka whakangahau hoki

He māmā noa te tukanga rēhita mō te tangata, mō ngā kura, otirā ngā whakahaere kia mōhio ai mātou ko wai kei te whai wāhi mai. Kei a koe te tikanga o tō whai wāhi mai, mā raro, mā runga waka, mā runga waka me te waka whakangahau rānei. Tirohia koa te rēhita mō te puka paearu o ngā waka e whakaaetia ana.

Rēhita i konei

Te Ara Hīkoi 

Ka wehe te hīkoi i te papa o te Pāremata i te poupoutanga o te rā ka haere ki Te Ngākau (Civic Square) hei whakanui i te kaupapa. He āhua 1.5km te roa o te haere, e whakapaetia ana ka 45 miniti te roa o wā hīkoi.

Te Hōtaka 

Wā Hui ki te Papa Pāremata

10.00am – 11.00am

Ngā waka whakangahau me ētahi atu waka

Ka tirohia te tōtika o ngā waka, ka whiwhi nama i ngā kaiwhakarite.

Rēhita tō waka ki konei

11.30am

Ka hui katoa ngā rōpū hīkoi, ngā pēne. Ka whiwhi nama koutou i mua i te tīmatatanga o te hīkoi.

Te Poupoutanga o te Rā

Ka wehe te Hīkoi i te Papa Pāremata.

Te Ngākau - Civic Square 

Hei te āhua 12:45pm ka tae atu ngā waka whakangahau ki Te Ngākau.

1 – 1.45pm | He whakangahau

Ngā Wāhi Hui ki te Papa Pāremata 

  • Me uru mai ngā waka e whai wāhi mai ana ki te hīkoi ki te papa pāremata mā te kēti o runga atu i te tiriti o Molesworth
  • Ka uru mai ngā kaihīkoi mā ngā kēti katoa o te papa pāremata
  • Ka whiwhi nama ngā kaihīkoi, ngā waka whakangahau me ngā waka i te rēhitatanga mai. Koia te nama hei kimi māu ka uru atu koe ki te papa. Ko tō nama wāhanga hīkoi whai rēhita tēnei nama kia mātua whakarite kei te wāhi tika koe i te tīmatanga o te hīkoi
  • Ka wehe te hīkoi i te Papa Pāremata mā te kēti o raro i Lambton Quay
  • Ka ārahina ngā Kaiatoato i ngā tāngata ki ō rātou tūranga i roto i te hīkoi

He aha te wāhanga hīkoi 

Anei e whai ake nei ko ngā wāhanga o te hīkoi;

  • te hīkoi takitahi, ā-rōpū, rōpū rangatū, ētahi atu anō;
  • waka whakangahau (he pahikara, he motokā, he 4WD, he wakaroa, he taraka rānei);
  • me, ngā wāhi whakataka mō ngā pahi/wakaroa.

Ka whakataka ngā pahi me ngā wakaroa i ngā tamariki kura, ētahi atu rōpū hōki ki ngā tūnga waka ki te Tiriti o Molesworth, ki waho o Te Pāremata. Ka tāpuia ēnei tūnga waka hei wāhi whakataka noa iho i te wā i te Papa Pāremata te hīkoi tae noa ki te wehenga atu.

Tūnga Waka 

Mēnā kāore tō waka i te whakauru atu ki te hīkoi me whakarite koe i tō ake tūnga waka.

Ngā Whakatūpato Haumarutanga 

He mea nui ki a mātou te haumarutanga. Kua whakaaetia tēnei ngohe e Te Kaunihera o Pōneke, ā, ka katia te ara hīkoi i te roanga atu o hīkoi ki ngā waka iwi whānui. Mā ngā Wātene Māori, ngā Pirihimana me ngā tūao (e mau koti muramura ana) e āwhina i te whakahaeretanga o te hīkoi kia mātua whakarite i te haumarutanga o ngā tāngata hīkoi.

Me whai kaiārahi ngā rōpū hīkoi katoa, mā te nui o tō rōpū e whakatau te nui o ngā kaiārahi. Ka noho papa koe mā tō rōpū i te Papa Pāremata, i runga hoki i te ara hīkoi.

Kei tētahi pakihi Whakahaere Waka whaimana te mana whakahaere waka mō te hīkoi, māna e whakarite waka tautoko ki mua, ki muri hoki i te rōpū hīkoi.

I te taenga atu ki Te Ngākau (Civic Square)

Ka whakaheke ngā tāngata i ngā waka i waho o Te Ngākau (Civic Square) i te kokonga o ngā Tiriti Mercer me Victoria.

  • I muri i te whakataka ka huri whakatemauī ngā waka ki te Tiriti o Victoria katahi ka huri whakatematau ki te Tiriti o Harris
  • Ka taea ngā waka te whakatū ki ngā taha e rua o te Tiriti o Harris, i runga i ngā tohutohu, ka whakarite kia wehe i te mutunga o te ngohe, me wehe i mua i te 2:00pm
  • Ko tohua ngā tāngata heke i ngā waka e ngā tūao ki ngā wāhi kua whakaritea
  • Ka haere he hōtaka whakangahau mai i te 1:00-1:45

Te Whakakorenga o te Hīkoi 

(Atu i te rangi kino rawa atu ka haere tonu te hīkoi)

Ki te whakakorea te hīkoi i runga i te āhua o te rangi, ka whakatauhia tērā i te 9 Mahuru, ka whakamōhiotia hoki te iwi whānui i taua rā tonu, mai i te 6:30am i te ata o te Rāhina/Mane hoki mā te;

www.facebook.com/tetaurawhiri
(external link)

www.tetaurawhiri.govt.nz
(external link)

Twitter
(external link)

 Kia pātata atu ki te rā hīkoi ka tohaina anō ētahi kōrero.

Tēnā, tuku mai ngā pātai ki:

Īmēra: registrations@tetaurawhiri.govt.nz

He āki āwhina

Haria tētahi tohu nui e whakaingoa ana i tō rōpū/whakahaere, ahakoa kei roto koe i te rōpū hīkoi, i te waka, i te waka me te waka whakangahau rānei. Ka āwhina tēnei i ngā kaiwhakarite, i ngā mema hoki o tō rōpū.

Mā mātua whakarite ka haria mai e ngā tamariki ngā kai hauora, he nui te wai, he pani rā anō hoki. Ka whakaritea he wāhi noho mā ngā tamariki ki Te Ngākau kia pai ai te kai, te mātakitaki hoki i ngā mahi whakangahau.

Mōhiohio, Paearu Waka

Kia mātua whakarite i te hauora me te tautukunga, me whai ngā waka whakangahau i ēnei tohutohu:

  • kia kaua e teitei ake i te 4.5m, kaua e whānui ake i te 3.5m, kaua hoki e roa ake i te tautukunga Waehere Huarahi – ina whai whakarākei, i runga hoki i te ara hīkoi.
  • me tōtika tō waka mō te huarahi (me whai WOF, COF, rēhita, inihua o nāianei ngā waka, wakatō rānei e whakamahia ana mō te waka whakangahau).
  • me whai ārai haumaru (ina hari tāngata)
  • me tae ki te wāhi tīmata o te hīkoi hei te 11:00am i mua tonu rānei – kia tirohia te tika o tō waka, kia rite hoki koe i te wā e tika ana.
  • me whai nama (ka mahia tēnei e ngā kaiwhakarite o te hīkoi).

Ka whakaaetia anake ko ngā waka whakangahau e tutuki ana i ngā paearu i runga ake nei kia uru mai ki te hīkoi. Kei ngā Kaiwhakahaere whakahaere waka hīkoi te mana kia whakakore i ngā waka hīrokiroki.

“E tari ana mātou kia kite i ngā waka whakangahau, waka, pahikara aha atu, aha atu kua whakarākeia ki ngā tae muramura e whakanui ngātahi ana i te reo Māori.”

RSS Feed