Kua oti te whakatau i te rā o Ngā Tohu Reo Māori 2018 o Te Taura Whiri i te Reo Māori.
Hei te 23 o Whiringa-ā-rangi 2018 ka tū Ngā Tohu Reo Māori ki Te Papa Tongarewa i Te Whanganui-a-Tara.
I whakatuwheratia te rēhita whakauru ki ngā karangatanga tohu reo katoa (hāunga te karangatanga 'Te Wiki o te Reo Māori') i te 10 Hōngongoi 2018, ā, ka kati hei te 20 Hereturikōkā 2018
Hei te 10 Hereturikōkā 2018 ka tuwhera mai te karangatanga Te Wiki o te Reo Māori, ka kati hei te 12 o Whiringa-ā-nuku 2018.

Rēhita, waihanga whakaurunga mai
(external link)

Ngā Karangatanga Tohu Reo

Takitahi

Mā te tangata kua mahi i tētahi mahi me tōna kotahi

Ngā Hapori Katoa – Ngā Hapori Katoa o Aotearoa

Mā ngā rōpū hapori, ahakoa tēhea, ahakoa Māori kāore rānei, e whakapau kaha ana ki te mahi whakarauora

Ngā Hapori Māori – Hapori Māori

Mā te whakarauoratanga i roto i tētahi hapori Māori, kāore ōna here ki tētahi iwi, hapū rānei

Rangatahi

Mā te whakatairanga nā/mā te hunga rangatahi

Te Mahi Toi, Mahi Whakangahau

Mā te toi, te whakangahau rānei ahakoa he aha

Te Mātauranga – Whānui

Mā te ngohe mātauranga, ahakoa mā te Māori, mā te kaupapa Māori, kāore rānei

Te Mātauranga – Kaupapa Māori

Mā te kōhanga, te kura, te wānanga rānei

Iwi

Mā te whakarauoratanga i roto i tētahi iwi, i tētahi hapū rānei

Te Pakihi

Mā ngā kaupapa kōkiri e whai pānga ana ki ngā pakihi mahi moni

Pāpāhotanga, Pāpāho

Niupepa, reo irirangi, whakaata

Kāwanatanga

Rāngai kaunihera ā-rohe, kāwanatanga

Te Wiki o te Reo Māori

Mā Te Wiki o te Reo Māori 2018

Whānau

Mā te whakarauoratanga whānau

Te Tohu Kairangi

Mā te hunga kāore i toa i tētahi o ērā atu karangatanga engari e whakaaro ana Te Taura Whiri i te Reo Māori e tika kia whakanuia i Ngā Tohu Reo Māori i tēnei tau.

Te Tohu Huia i te Reo

Ko te tino tohu ā-motu tēnei mō te tangata takitahi, rōpū rānei mō tā rātou kaha tautoko i te oranga o te reo taketake o tō tātou whenua. He tino tohunga ēnei, ko te reo Māori tō rātou ohooho, tō rātou māpihi mauria, ka mutu, he tino tauira whakatenatena i ētahi atu kia whai mai i tā rātou i whakatauira ai. Ka whiriwhiria te Toa Reo Māori o Aotearoa mō te Tau mai i ngā toa o ngā tohu karangatanga 14.

Te Tohu Oranga Angitu

Ka kimihia mai ngā ingoa o te hunga nāna ngā mahi nui mō te reo Māori i ngā iwi, i ngā hapū, i ngā whakahaere me ngā tangata takitahi.


 

Paearu whakawā

Ko te mahi a ngā kaiwhakawā ko te whakawā i ngā tono ki ngā āhuatanga whakamahere reo e rima. Kua whakamārama ia āhuatanga i raro nei. E taea ai e te tono te tautoko i tētahi, i ētahi rānei o ngā āhuatanga. Ehara i te mea me tautoko i te katoa. Ka inoia ngā kaitono kia āta whakatakoto i ngā āhuatanga e kaha tautokohia ana e te tono. Ki te tautoko te tono i tētahi noa iho, ka whiwhi māka mai i te kotahi rau. Ki te tautoko te tono i ngā āhuatanga e rima, ka whiwhi i te māka mai i te 20. Kātahi ka tapekengia. E whakaata ana tēnei he mea nui ia āhuatanga ki te whakarauoratanga, otirā, he mea nui anō ngā ngohe e aro ana ki te āhuatanga kotahi i ngā ngohe e aro ana ki te katoa.

TE MANA O TE REO

Whakahirahira te reo Māori ki te tuakiri o E kimihia ana ngā tono mō ngā mahi e ārahi i te tangata kia whai hiranga i te reo Māori e tautoko ana hoki i te kōrerotanga o te reo Māori. Kei te hiahia whakarauora mātou i te reo Māori, kia noho hei reo kōrero o ia rā, o ia rā, he mea nui te mataaho tūmatanui, te whakamahinga hoki e aro ana ki tōna mana hei reo whaimana.

TE MĀRAMA PŪ KI TE WHAKAORA REO

Ki te mōhio te tangata kua tata ngaro te reo Māori, ki te mōhio hoki rātou he wāhi ki a rātou i ngā mahi whakarauora, ka kīia he mārama pū rātou ki te whakaora reo. Me i kore ngā mana whakatau i te kāwanatanga, i ngā pakihi, i te rāngai tūao rānei e matatau ki te hiranga o te mahi whakatairanga i te reo Māori, ka mutu, he aha hoki ā rātou mahi hei āwhina, e kore e whakarauoratia te reo Māori.

TE KŌREROTANGA O TE REO

Ka kīia he reo kōrero, he reo ora – he mea nui kia whai wāhi te tangata ki te kōrero, otirā ki te whakarite taiao kōrero hou anō hoki e taea ai te reo Māori te whakamahi. Ko te tikanga o te ‘whakamahi’ ko ia wā, ia wā ka kōrerotia, ka rangona, ka pānuitia, ka waiatatia rānei te reo Māori.

TE AKO I TE REO

Ka ako mai te tangata i te reo Māori i ētahi atu, arā, hei reo ā-ūkaipō, i te ao mātauranga rānei - kei roto i ngā mahi ako reo ko ngā momo āhuatanga katoa o te mātauranga, mai i te kōhanga reo ki ngā taumata teitei o te mātauranga tuatoru, otirā, te whakangungu tūmataiti tae atu ki te mātauranga ā-tuihono a te tini.

TE PUNA REO

E wātea ana he kupu e tika ana mō ngā momo āhuatanga katoa; tae atu ki te whakapikitanga o te kounga o te reo – arā, he kounga i ngā taumata katoa. Ia tau, ia tau ka whakaurua atu he kupu hou ki te reo Ingarihi me ētahi atu reo o te ao. Mā te waihanga kupu hou e āhei ana te whakamahinga o te reo i ngā taiao katoa, he mea nui tēnei ki te whakarauoratanga o te reo Māori. Kei raro hoki te whakapakaritanga i te kounga o te reo i te āhuatanga Puna Reo.

RSS Feed