Nā runga i te whakahau i te katoa o Aotearoa kia whakanuia te reo Māori, kia kaha atu hoki te whakamahi i te reo Māori, kua 40 tau Te Wiki o te Reo Māori ki te maramataka o Aotearoa.

Ahakoa tōna tū mai hei reo mana i Aotearoa mai i te tau 1987, ahakoa te ara ake o ngā kura reo Māori, ngā reo irirangi Māori me te hongere pouaka whakaata Māori, e noho mōrearea tonu ana te reo. Nō reira ka noho Te Wiki o te Reo Māori hei kaupapa kotahi o roto i tētahi kohinga kaupapa kua auroa te whāia, hei whakarauora i te reo taketake o Aotearoa.

Ko te whāinga o te wiki ko te whakaoho i te hiahia o te maha atu o Aotearoa ka taea, kia nui atu ngā kīanga Māori ka whakamahia i ia rā, i ia rā. Ko te kīanga e kōrerohia nei ko te rerenga kōrero – ahakoa roa, ahakoa poto.

Kei Te Taura Whiri i te Reo Māori te kawenga mō te whakariterite i Te Wiki o te Reo Māori. E mahi ngātahi ana mātou, e hui auau ana hoki ki ētahi rōpū o te rāngai tūmatanui ki te whakawhanake, ki te whakatairanga i te kaupapa.

RSS Feed