Breadcrumbs

Ka Tuwhera te Tono Pūtea Mā Te Reo mō ngā tau 2016

E tono ana Te Taura Whiri i te Reo Māori i ngā tono mō te Pūtea Mā Te Reo.

He pūtea whakataetae $3.2 miriona a Mā Te Reo e whakahaeretia ana e Te Taura Whiri i te Reo Māori ki te tautoko i ngā whānau, hapū, iwi me ngā whakahaere hapori Māori ki te whakawhanake me te whakatinana i ngā kōkiri hapori e whai wāhi ai ki te whakaoranga anō o te reo Māori.

Ko ētahi o ngā mahi kua whiwhi pūtea Mā Te Reo ko te whakahaere akoranga reo Māori, te whakaputa rauemi reo Māori, te whakamahere i ngā mahere me ngā rautaki reo mō ngā whānau, hapū, hapori, me te tautoko i ngā mahi reo i roto i ngā rohe.

Ka ahei ngā iwi, hapū, whānau me ngā whakahaere Māori, whakahaere hapori rānei te tono pūtea Mā Te Reo.

Ko tā tēnei pūtea he tautoko i ngā ariā me ngā mahi i ngā rohe mō te whakaora anō i te reo i aua rohe, me te aha ka piki ake te tokomaha o ngā kaikōrero o te reo, tō rātou matatau, me te whakanui i te mōhiotanga ki te reo.

Ahakoa kei te whakahaere wānanga whaikōrero, wānanga karanga, tētahi mahi motuhake rānei e arohia ai te reo, ka whai whakaarohia te nuinga o ngā kōkiri.

Ka tuwhera te pūtea mō ngā tono i tēnei rā, ā, ka kati ā te 31 o Hōngongoi.

Ko te tau 2016/17 te tau pūtea Mā Te Reo whakamutunga ka  whakahaeretia e Te Taura Whiri i te Reo Māori i mua i te whakawhitinga atu ki a Te Mātāwai.

Me rēhita tuihono mai ērā e hiahia ana ki te tono - pāwhiria a konei.

.

← Back to the news

RSS Feed