Breadcrumbs

Ka whakanuia ngā toa reo Māori ki ngā tohu o te motu

Kua pānuitia ngā whiringa toa mō ngā wāhanga whakataetae 13 o Ngā Tohu Reo Māori o te motu a Te Taura Whiri i te Reo Māori.

E toru tekau mā waru ngā kaiwhakataetae whiringa toa mai i ngā kaiwhakauru 88, ko te tokomaha rawa tēnei mai anō i te tīmatanga o ngā tohu i te tau 2004. Ko te hui whakahōnore i tēnei tau ka taurimahia e Te Taura Whiri i te Reo Māori rāua ko Te Reo o Taranaki ka tū ki Ngāmotu ā te 11 o Whiringa-ā-rangi.

E ai ki te Tumuaki o Te Taura Whiri i te Reo Māori a Ngahiwi Apanui kua eke taumata anō ngā kaiwhakauru mō te hiranga me te kounga o te reo Māori. “Ia tau ka uaua ake te whakataetae nei ko wai ka whakahuatia hei toa mō te reo Māori,” e ai ki tāna. O ngā kaiwhakataetae whiringa toa i tēnei tau, he tokomaha tonu ngā toa o mua, i uru hoki ki ngā wāhanga whakataetae neke atu i te kotahi, kua whakawhanake ake hoki i ngā mahi o mua kia eke ai te reo ki tētahi taumata noa atu. “He kaupapa nui ngā tohu nei ki te maramataka mō te reo Māori, i tua atu i te whakanui i ngā kaupapa mahi o te tau, he wāhi hoki ki te whakanui i te hunga e roa ana tā rātou ū ki te whakarauora i te reo Māori.”

Ko ngā wāhanga whakataetae i tēnei tau ko ngā tohu mō ngā tāngata takitahi, mō ngā rōpū anō hoki, ki roto i ngā mahi toi me ngā mahi whakangahau, ngā whare mātauranga, te pakihi, ngā tāngata me ngā kaipāho reo irirangi me te whakaata irirangi. Kua kore kē he kaiwhakauru mai mō te tohu hākinakina.

Ngā Tohu Reo Māori 2016

Ko Ngā Whiringa Toa - Finalists

Te Toa Reo Māori - Kāwanatanga

Te Manatū Ture

 

Mana Tohu Mātauranga o Aotearoa

 

Callaghan Innovation

Te Toa Reo Māori - Pāpāhotanga

Stacey Morrison

 

Radio NZ

Te Toa Reo Māori - Hapori

Te Kōmihana Rahinga Pūtea

 

Te Karaehe Kaumātua o Tīrau

Tuwharetoa FM

Te Toa Reo Māori– Mātauranga (Auraki)

Mana Tohu Mātauranga o Aotearoa

 

Ngai Tauira

 

Raewyn Harrison

Te Toa Reo Māori - Pakihi

Whitebait Restaurant

 

CORE Education

 

Rererangi Aotearoa

Te Toa Reo Māori– Rangatahi

Taini Drummond

 

Aaron Koopu

 

Ngāi Tauira

Te Toa Reo Māori – Pāpāho

Stacey Morrison

 

Te Reo Irirangi o Aotearoa

 

Te Kōmihana Rahinga Pūtea

Te Toa Reo Māori – Rorohiko/Auaha

Te Kōmihana Rahinga Pūtea

 

Kiwa Digital Ltd

 

Callaghan Innovation

Te Toa Reo Māori– Kaunihera ā-Rohe

Te Kaunihera ā-Rohe o te Tonga o Waikato

 

Wayne Hastie (mō Metlink)

 

Te Rōpū Tiaki Ira o te Kaunihera o Tāmakimakaurau (Dr Imogen Bassett)

Te Toa Reo Māori– Mātauranga (ā-Reo Māori)

Komene Cassidy

 

Te Mihinga Komene

 

Mana Tohu Mātauranga o Aotearoa

Te Toa Reo Māori– Takitahi

Carlin Shaw

 

Manuel Springford

 

Taini Drummond

Te Toa Reo Māori– Te Wiki o te Reo Māori

Te Reo Irirangi o Aotearoa

 

Whakaata Māori

 

Tūwharetoa FM

Te Toa Reo Māori – Mahi Toi me te Whakangahau

 

Merita Waitoa-Paki rāua ko Tahu Paki

 

Te Rōpū Māori o Patea

 

Karam Fletcher

 

 

← Back to the news

RSS Feed