Breadcrumbs

Ko wai ngā toa reo Māori o te tau 2017?

E rua wiki noa iho kei te toe, ka kati te ara tuku ingoa ki te tino hui whakatāiri reo Māori o te tau, ki Ngā Tohu Reo Māori 2017.

Ka tū ki Te Whanganui-a-Tara, ki tētahi hākari i te pō o te 24 o Whiringa-ā-rangi. Koia nei ētahi o ngā karangatanga e whakanuia ana: Takitahi, Mahi Toi me te Whakangahau, Mātauranga, Pakihi, Pāpāhotanga, Kāwanatanga, me te Rangatahi. Ā, kei wareware ngā tohu tiketike, a Te Tohu Huia te Reo me Te Tohu Oranga Angitu.

Ka kōwhiria ngā toa o roto i ngā mea ka whakaingoatia i runga anō i te āhua o tā rātou whakahauora ake i te reo Māori.

E mea ana te Tumuaki o Te Taura Whiri i te Reo Māori, a Ngahiwi Apanui, kua kitea ake i Te Wiki o te Reo Māori te whānui me te hōhonu o te tautoko mai a mātinitini mā, a matahuhua mā i te reo Māori.

“Me whakamānawa ka tika ō tātou Toa o te Reo Māori. Kaua e whakamā! Ki te mōhio koe ki tētahi tangata, rōpū, whakahaere rānei e tika ana kia whakanuia, tēnā tukua mai tōna ingoa me ngā kōrero mōna, mā runga i tā mātou pae tukutuku.”

Whakapā mai ki: Colin Feslier colin@tetaurawhiri.govt.nz 022 049 1416

← Back to the news

RSS Feed