Te Taura Whiri i te Reo Māori 

He hinonga Karauna mana motuhake Te Taura Whiri i te Reo Māori. 

Ko ā mātou mahi:

  • hei kaiārahi matua i te aratakinga o te whakatinanatanga o te Maihi Karauna;
  • he whakatairanga i te reo Māori ki Aotearoa whānui;
  • he tautoko i te mahere rautaki reo me tōna arotakenga;
  • he whakahaere, he hoko hoki i te rangahau;
  • he whakamātautau, he rēhita hoki i ngā kaiwhakamāori ā-tuhi, ā-waha anō hoki; he whakamātautau i ngā taumata matatau
  • he whakawhanake i te reo e āhei ai te whakamahinga o te reo Māori i ngā āhuatanga katoa
  • he whakatakoto pūrongo ki te aroaro o te Minita Whanaketanga Māori e pā ana ki te reo Māori  

E oke ana Te Taura Whiri i te Reo Māori kia noho mai he uepū kaimahi matatau tonu ki te reo Māori, kia uaratia anō hoki ēnei tāngata e ō rātou rangatira i te rāngai tūmatanui me te rāngai tūmataiti

Ahurei ana tā matou tū hei māngai ā-motu mō te reo, ka mutu koirā anahe te kaupapa hei whakarangaranga mā mātou, i riro ai Te Taura Whiri i te Reo Māori hei tumu herenga mō ngā waka, mō ngā kaihoe whakaora reo, huri noa i te motu.

Te Poari

Tokorima ngā mema o te poari, me tōna  tumuaki hei kaikawe rongo ki a rātou. Anei rā :

Toihau

Rawinia Higgins

Kaiwhiri 

Charisma Rangipunga

Kaiwhiri 

Charlie Tepana

Kaiwhiri 

Hinerangi Edwards

Kaiwhiri

Wayne Panapa

Tumuaki  

Ngahiwi Apanui

Nō te tī, nō te tā ngā kaiwhiri nei, e uru mai ai ngā whakaaro o ngā rohe, otirā o te motu whānui ki ngā whiriwhiringa take nui mō te reo.

Ā mātou mahi

Ko ā mātou mahi, me mea wehewehe ki ōna anō karangatanga. Koia ēnei:

TE AMO | Te Kaupapahere, ngā Ratonga Reo, te Rangahau, te Arotake

TE TOKO REO | Te Whakatairanga, te Whakawanaungatanga

TE HĀPAI Ō | Te Whakahaere

Te Whakarauora Reo Māori

Kei te hiahia Te Taura Whiri i te Reo Māori i ngā uiui mō te whakatakoto mahere me te whakarauoratanga o te reo Māori, ka mutu, e whakapono ana hoki:

  • He mauri te reo Māori nō Aotearoa māu, mā tātou.
  • Mā tātou katoa te reo Māori e whakarauora:
  • Whakatauhia te reo Māori ki te wāhi mahi, ki te hapori hoki
  • Whakatenatena i ētahi atu ki te kōrero, ki te ako hoki i te reo Māori; whakaurua mai hoki te reo Māori ki tōu ao
  • Kia tika tonu te whakahua i te kupu Māori i ngā wā e kōrero Pākehā ana
  • Ahakoa iti, ākona, kōrerohia
  • Kia nui ake te ako ka kōrero ai
  • Whāia te ara poutama o te reo ka tohatoha ai.

Īmēra mai ki patai@tetaurawhiri.govt.nz

RSS Feed