Breadcrumbs

Hōnore Koro Wētere

E kore e warewaretia a Koro Wētere Minita Māori o mua, i mate i tēnei wiki, mō tana kōkiri i ngā kaupapa nui whakaharahara i te whakarauoratanga o te reo Māori.

Nā te Hōnore Koro Wētere Te Pire mō te Reo Māori(external link) i whakatakoto ki mua ki te aroaro o te pāremata i te 4 Apireira/Paengawhāwhā 1986, i taua rā tonu i whakatakotoria te pūrongo whakahirahira mō te reo Māori a te Rōpū Whakamana i te Tiriti o Waitangi ki mua ki tōna aroaro.

E ai ki te Kaiwhakahaere Matua o te kōmihana a Ngahiwi Apanui nā ēnei kōkiri auaha i whakamanatia ai Te Ture mō te Reo Māori(external link) i te tau 1987, i whakatūria Te Taura Whiri i te Reo Māori, ka mutu i whakamanahia te reo Māori hei reo whaimana o Aotearoa.

“I puritia te nuinga o ngā wāhanga o te Ture 1987 i te whakahoutanga o te Ture i te tau 2016(external link) heoi he nui ake te paihere, te tautoko a te Karauna ki te whakarauoratanga me te hanganga o tētahi whakahaere hei māngai, hei kanohi ārahi i te mahi whakarauora a te Māori otirā a ngā iwi, ko Te Mātāwai."

“Kua kaha tautoko a Koro Wētere i te ao Māori otirā i te ao tōrangapū o Aotearoa, ā-kanohi Māori, ā-konohi Karauna anō hoki. Ko tana taonga tuku kei te tautoko tonu ngā kōkiri nāna i whakahaere i ngā mahi whakarauora i te reo Māori, tōna whakakai marihi.”

 

← Back to the news

RSS Feed