Tānga Hoko

E rua anō hoki ngā Tānga Hoko a Te Taura Whiri mō te kaupapa nei 'Ka Rawe Te Reo'. Ko tētahi he reo Pākehā "Into Te Reo", ā, ko tētahi ko "Hono ki te Reo". Nō muri mai ka huri te mea Māori ki te kīanga "Ka Rawe Te Reo".

'Ka Rawe Te Reo'

'Ka rawe te reo' ki ahau nā te mea ko te reo ko au, ā, he māmā ia he whakangahau hoki, ā, ka tino pai ahau. Kōrero tonuhia e au ahakoa he iti. 'Ka rawe te reo' nā te mea e taea e au te kōrero Māori i te kāinga, i te papa tākaro, ki hea atu hoki i Aotearoa. Kia 'rawe te reo' ka tino pai ahau, ā, ka pai te katoa. 'Ka rawe te reo' nā rā he homai ihi. Ka whakawhetū hoki i tangata. He whetū hoki e matatau ana ki te kōrero Māori. Nā te mea 'ka rawe te reo' me whai tonu kia mutunga kore nei te ako. He take hihiko i te ngākau kia kake ai ki ngā taumata akoranga.

Nā te mea 'ka rawe te reo' hei matapihi tēnei ki te whenua nei, ki ngā iwi nei, ā, kia ahau ake hoki. Kia 'rawe te reo' ki a koe kātahi koe ka tino rongo i te mahana. Ka akiaki au i taku whānau kia huri mai ki te reo, ā, ka hīkaka noa atu ahau kia ū tonu rā. 'Ka rawe te reo' mō te whakapiri whānau. He whānau hoki, huri noa i te motu. Mā te kaupapa 'ka rawe te reo' e taea ai pea te whakakotahi i tēnei whenua. He puna mātauranga ia nō Aotearoa ake. Mā te kaupapa 'ka rawe te reo' e whakaari ake te tūranga o Aotearoa i te ao whānui me tētahi hua nui ōna. Hei oranga te kī 'ka rawe te reo'. Kia mau kē tō tātou wehi!

Mōku nei
'Ka Rawe Te Reo'