Waiata
He mea nui te waiata, te mōteatea i te ao Māori. Ka kawea e ngā kupu te whakaaro Māori me te mātauranga Māori.
He maha ngā momo waiata ka waiatahia i ngā momo hui katoa, he oriori, he waiata tangi, he waiata aroha, he ngeri, he manawawera me te waiata poi. Ina waiatahia tētahi waiata, kōwhiria tētahi e hāngai ana ki kaupapa o te hui.
Haere ai te waiata ina mutu te whaikōrero ki te tautoko i ngā kōrero kua kōrerohia. Ka haere anō te waiata ki te hiki i te tapu, ki te hono atu, ki te whakangahau, kia noho māhaki ai, kia tau ai rānei te wairua o te tangata.
I waiata ngātahitia te waiata i ngā rā o mua, kāore i tino haere tahi te ringa, kāore he taonga puoro, he nekehanga rānei. Ahakoa te mau tonu o tēnei āhua i ēnei rā, kua waiatahia te waiata o te ao hou me te haere tahi anō o te taonga puoro, te ōrua, kua karawhiu anō te ringa me te neke haere anō a te kapa.
Kei tēnā, kei tēnā iwi anō āna ake waiata, ko ētahi i titoa i te ao o nehe. Heoi anō, he rahi tonu ngā waiata e kawea ana e te katoa. Ka pēnei te āhua ki te reka te rangi o te waiata, ki te ātaahua rānei te kawe a ngā kupu i ngā whakaaro o te iwi. Mōhio rawa ake, kua waiatahia e iwi kē.
E whai ake nei ētahi waiata rongonui e whā.
- Tēnā koutou, e hoa mā
Tēnā koutou, e hoa mā Greetings, oh friends
Kua tae mai nei i tēnei rā Arrived here this day
Nō reira rā, e hoa mā Therefore, oh friends,
Kia ora rā, koutou katoa Good health, to you all
Kua rongo hoki ahau I had heard of course
Kua rongo hoki ahau I had heard of course
Kua rongo hoki ahau I had heard of course
Kei te haere mai koutou That you were all coming
Nō reira rā, e hoa mā Therefore, oh friends,
Kia ora rā, koutou katoa Good health, to you all
- Māku rā pea
Māku rā pea I will perhaps
Māku rā pea I will perhaps
Māku koe e awhi ē I will help you
Ki te ara, ara tupu Upon the pathway, of progress
Māku koe e awhi ē x 2 I will indeed help you
- E papa Waiari
E Hine hoki mai rā Girl return unto me
E Papa Waiari O elder Waiari
Tāku nei mahi All I seem to do
Tāku nei mahi All I seem to do
Hei tuku roimata Is to shed tears
Ē Auē Alas,
E ka mate au I will die
E Hine hoki mai rā Girl so return unto me
Māku e kaute I will count
Ō hīkoitanga Your footsteps
Māku e kaute I will count
Ō hīkoitanga Your footsteps
Ē Auē Alas, Alas,
E ka mate au I will die
E Hine hoki mai rā Girl so return unto me
E Hine hoki mai rā Girl so return unto me
- Hokihoki tonu mai
Hokihoki tonu mai Return
Te wairua o te tau The spirit of the loved one
Ki te awhi reinga To give me a fleeting embrace
Ki tēnei kiri e Skin to skin
Ki tēnei kiri e Skin to skin