He aituā

28 August 2019

He aituā. Nō ngā rangi tata nei i tae mai te rongo, kua mate tērā o ō tātou rangatira a Pita Paraone.

E mahara iho ana ki āna mahi nui hei mema Pāremata, hei mema, hei Tiamana anō hoki o te Tarati ā-motu o Waitangi hoki tae atu ki āna mahi mō Ngapuhi me Ngāti Hine.

Waihoki e mihi ana tōna whare o Te Taura Whiri i te Reo Māori mōna i hautū nei i a mātou i te taha o tōna whanaunga a Erima Henare i te tau 2014, ka uru ai ki te Pāremata hei mema Pāremata mō Aotearoa Tuatahi.

E tuku ana te Poari me ngā kaimahi o Te Taura Whiri i te Reo Māori i te mihi me te aroha ki tana wahine me ā rāua tamariki.

E te rangatira e Pita, tēnei rā tō whare e mihi nei, e tangi nei ki a koe. Nā reira noho mai hei whetū ki te rangi tiaho mai ai ki tō iwi e mahue ake nei. Moe mai rā i te moenga roa.

Putunga rongo hou

Kua mana ngā rā o Te Wiki o te Reo Māori 2024

Ā te 14 atu ki te 21 o Hepetema 2024 ka tū Te Wiki o te Reo Māori.

April 2024

Kua hoki mai Ngā Tohu Reo Māori

He taiopenga ā-tau Ngā Tohu Reo Māori e whakanui ana i ngā haumāuiui a tētahi tangata, a tētahi whakahaere hoki, kua nui nei te whakapau kaha mō te whakarauora, mō te whakamāori hoki i te reo Māori te take.

October 2023

Takuate ana a Te Taura Whiri i te Reo Māori mō te Toihau o mua, mō Tākuta Hohepa

He maimai aroha ki a Tā Patrick Patu Wahanga Hohepa KNZM (1936 - 2023). E taka ana a roto i te pā mai o te rongo kua riro tētahi o ngā tino pou o te reo Māori, me tētahi o ngā toihau o mua o tēnei tari. Ka nui te aroha ki te whānau o Tā Patu Hohepa (Ngāpuhi, Te Māhurehure me T...

September 2023

Kua 36 tau te reo māori e noho ana hei reo ā-ture

Ko te mahi tuatahi a te poari tuatahi o Te Komihana mō te Reo Māori i tā rātou hui tuatahi he panoni i tōna ingoa ki tētahi ingoa Māori: ki Te Taura Whiri i te Reo Māori.

August 2023

HE WHAKAARO: taku māharahara tēnā i taku tū hei "toa".

Kei te takiwā o te 3000 ngā reo taketake kei te pari o te rua o Mate. Ka tuhia e Rawinia Higgins, te Toihau o Te Taura Whiri i te Reo Māori, tētahi tuhinga whakaaro mō te tawhiti o tā tātau haere ki te whakahaumaru i te reo, ā, he roa tonu a raro.

February 2023

Kua mana ngā rā o Te Wiki o te Reo Māori, 2023.

E hurō ana a Te Taura Whiri i te Reo Māori ki te pānui kua mana ngā rā o Te Wiki o te Reo Māori, 2023.

February 2023

He karere nā King Charles III

I tēnei rā o Waitangi, taku tuatahi hei Kīngi mō Aotearoa, ka rere atu aku oha nui ki ngā tāngata katoa o Aotearoa.

February 2023

E whakanui ana i ngā takoha hikuroa ki te whakarauoratanga o te reo Māori

Ko ngā kaupapa whawhati ngaru mō te reo Māori ērā i whakanuia ki Ngā Hōnore Reo Māori o te tau nei i tū ināpō ki roto o Tāmakimakaurau.

December 2022

Te Pakanga a Aotearoa mō te reo Māori: E pōhiritia ana ngā kōrero

I te motu e whakarite ana ki te whakanui i te 50 tau i te whakatakotoranga o Te Petihana o te reo Māori ki te whare pāremata, e tonoa ana ngā kirirarau o Aotearoa kia tukuna mai e rātou ā rātou kōrero mō te oke e ora ai te reo Māori.

September 2022

He kōrero atu anō