Kaua e whiua, whanaia!
Kei te haere koe ki te mātakitaki i ngā Raiona? Ki konā koe e whiwhi puka āwhina e pā ana ki te reo Māori me te hākinakina – tuturu, ko te whutupōro kē te tino kēmu o te wā.
Ka tukuna atu e Te Taura Whiri i te Reo Māori, me āna kaitūao, ngā puka āwhina hei tautoko i te kaha kōrerotia o te reo Māori i roto i ngā mahi o ia rā, o ia rā.
E ai ki a Ngahiwi Apanui, kaiwhakahaere matua o te Kōmihana, hei taunaki anō te puka i tōna kawenga hou i tohua ai e Te Ture mō te Reo Māori 2016, tēnā, ko te whakatairanga i te reo Māori ki ngā tāngata katoa o Aotearoa.
“Ko te whakahau kia whakamahia te reo Māori e ngā tāngata katoa, i ngā wāhi katoa.”
Kua raua atu ki te puka ngā kupu a te haka, Ka Mate me te Ngari o te Motu, tae atu ki ngā hononga ipurangi ki a Wayne ‘Buck’ Shelford rāua ko Hinewehi Mohi, e kōrero ana mō ā rāua mahi whakaora i te reo Māori.
Kite ai koe i ngā tikanga whakahua, he rārangi ingoa wāhi, tae atu ki ngā rerenga hākinakina pēnei i te ‘karawhiua!’ – ‘give it heaps!’ me ‘kei hea te pōro?’ – ‘where’s the ball?’
Tirohia te rauemi i konei.