Hei tuatahitanga, kua whakaurua ki Ngā Tohu Kōrero mō te Kotahitanga o ngā Iwi o tēnei tau tētahi wāhanga hou mō te kairangi o te reo: te Tohu Manukura i te Reo.

"E koa ana mātou ki te pānui ko te toa tuatahi ka whakawhiwhia ki te Tohu Manukura i te Reo, ko Jen Marsh nō Te Kura Kōhine ki Ōtākou. He whakaaweawenga tana kōrero mō te kotahitanga me te hiringa i puta i te wā e tika ana. Nā Jen tana kōrero i whakamahi hei huarahi whakaako i ētahi atu e pā ana ki a Te Whiti o Rongomai me te pāhuatanga o Parihaka: i a ia hoki e whakamaumahara ana i ngā pakeke, kātahi anō ka pēnei rawa te whai take o te tirohanga a te taiohi."

"I ēnei rangatira, ka kitea te papa tuarua o te korowai. Te iwi, ngā kaitautoko. Ko tēnei hui mō te kotahitanga o ngā iwi e para ana i te huarahi e whai take ai ngā whakaaro o te rangatahi, i te wā hoki e pāngia ana te ao e tētahi mate urutā. Te whakaū i te tauira o tēnei korowai e puta ai te angitu." nā Jen Marsh

 "Me anga whakamua ki te rangimārie, ki te waikanaetanga, ki te oranga tonutanga o tātau katoa! Me mautohe, maranga ake taku raukura e, hei!”

"Kua rangatira mātou i tēnei tuku i te tohu hou o te Tohu Manukura i te Reo," te kī a te Tumuaki o Te Taura Whiri i te Reo Māori, a Ngahiwi Apanui.

"I a Aotearoa me te ao e urupare tonu ana ki te urutā o te Mate Korona, e whakaatu ana Ngā Tohu mō te Kotahitanga o ngā Iwi ki a tātou, kei te whakatakoto kē ngā taiohi o Aotearoa i te huarahi ki mua."