E mihia ana te pānui mō Matariki 2022 e Te Taura Whiri i te Reo Māori
E mihia ana e Te Taura Whiri i te Reo Māori te pānui ka whakanuia te wā o Matariki hei rā whakatā mā te iwi whānui, ā te 24 Hune o te tau e tū mai nei.
“Wehe ana mātou i te rekareka e pēnei ana te āhua o te whakahōnore i tēnei o ngā huihuinga ahurei ki tēnei moka o te ao,” te kī a Ngahiwi Apanui, tumuaki o Te Taura Whiri.
"E whakanuia whānuitia ana a Matariki puta noa i Te Moana-nui-a-Kiwa mai i Makali’i i Hawai’i, ki Matali’i i Hāmoa tae atu ki Matariki ki Aotearoa nei: ko te mahutatanga mai o ngā whetū, he tohu maumahara ki te wā kāinga.”
“E whaitake ana te pānui nei, i te mea i tēnei tau, kua rua tekau tau mai i te whakarewatanga ake o ngā mahi whakatairanga a Te Taura Whiri i te Reo Māori i te Matariki hei huihuinga mō ngāi Aotearoa katoa.”
Koia kei Te Wānanga o Aotearoa mō ētahi pūrongo autaia mō Matariki i konei.