Whakamaheretia te reo ki tō wāhi mahi

Mā te whakatakoto mahere reo he taunakitanga te tūāpapa, ka tūhauora ake ngā reo taketake, ngā reo mōrearea.  

Mā te whakamahere e whaihua ai ō whakapaunga kaha kia ora ake te reo, i te mea ka poua rautakihia ngā whāinga pae tawhiti, ā, ka toitoia ngā rōpū whai pānga katoa kia eke ki tō waka whakarauora. 

He aha ngā hua o te tuhi mahere reo Māori?

Mā te tārai me te whakatinana i tētahi mahere reo Māori, ka puta ēnei hua ki tō whakahaere: 

  • Ka whai wāhi koutou ki te whakarauoratanga o te reo Māori.
  • Ka torokaha ake ō koutou hononga ki a ngāi Māori. 
  • Ka kaha ake te kitea nō Aotearoa tō whakahaere. 
  • Ka hauora ake tō whakahaere, mā roto mai i tā koutou whakatupu i tētahi tokomatua māia, whai mātauranga, whai pūkenga.
  • Ka tutuki ētahi atu o ā koutou whāinga e noho taonga ai te kōrero Māori, pēnei i ngā mahi whakawhanaunga a te Karauna ki ngā iwi Māori, i te kanorautanga, i te kauawhitanga me te aronui ki ngā ahurea.  

Te huataki i tō mahere

Tērā ka 6 marama ki te kotahi tau te roa ki te whakatakoto mahere reo mō tō whakahaere.

Ka 4-6 wiki pea koutou e āta whakatau ana kei hea ake koutou e haere ana. Ka kimihia he aha ngā mea e kawea kētia ana, e pēhea ana ō koutou āheinga, he aha anō hoki ngā rawa me ngā rauemi e wātea ana. Whakamahia ā mātou tātauira hei kimi i tō koutou paetīmata, e kitea ai ngā kokenga ka whai i muri iho:

Ka 6-8 wiki pea tēnei tūārere. I konei ka whakatakoto koutou i ā koutou whāinga, ka tiritiria ngā haepapa me ngā pīkaunga, ka whakatauria ngā wā hei whakaoti i ngā mahi, ka tohaina ngā rawa me ngā rauemi, ka tautuhia anō hoki ā koutou tohuine. Ki konei koe nanao ai i tētahi mahere hukihuki: 

Kāti, ki te hoe! Whakaritea te 9-12 marama mō tēnei tūārere. Kaua hoki e wareware, he mea nui te whakatītina me te whakanui i tēnei mea te angitū – ahakoa iti, he pounamu. Me aroturuki ngā kaunukutanga, ka tukutuku ai i ngā mea e ākona ana hei āwhina i ētahi atu.

Whakaritea kia 6-8 wiki mō te arotake me te tāmata i tā koutou mahere. Āe rānei kua tutuki ngā whāinga? Āe rānei i tutuki i roto i te wā i tohua kia mātua oti? He aha ngā mea i pai te kawenga ake? He aha ngā mea kāore i tino pai? Āe rānei e kitea ana ngā hua o aua kawenga? Kei raro nei ā mātou uiuinga hei whakamahi mā koutou ina hiahiatia, mā koutou rānei e waihanga ā koutou ake:

Ka 4-6 wiki pea koutou e āta whakatau ana kei hea ake koutou e haere ana. Ka kimihia he aha ngā mea e kawea kētia ana, e pēhea ana ō koutou āheinga, he aha anō hoki ngā rawa me ngā rauemi e wātea ana. Whakamahia ā mātou tātauira hei kimi i tō koutou paetīmata, e kitea ai ngā kokenga ka whai i muri iho:

Ka 6-8 wiki pea tēnei tūārere. I konei ka whakatakoto koutou i ā koutou whāinga, ka tiritiria ngā haepapa me ngā pīkaunga, ka whakatauria ngā wā hei whakaoti i ngā mahi, ka tohaina ngā rawa me ngā rauemi, ka tautuhia anō hoki ā koutou tohuine. Ki konei koe nanao ai i tētahi mahere hukihuki: 

Kāti, ki te hoe! Whakaritea te 9-12 marama mō tēnei tūārere. Kaua hoki e wareware, he mea nui te whakatītina me te whakanui i tēnei mea te angitū – ahakoa iti, he pounamu. Me aroturuki ngā kaunukutanga, ka tukutuku ai i ngā mea e ākona ana hei āwhina i ētahi atu.

Whakaritea kia 6-8 wiki mō te arotake me te tāmata i tā koutou mahere. Āe rānei kua tutuki ngā whāinga? Āe rānei i tutuki i roto i te wā i tohua kia mātua oti? He aha ngā mea i pai te kawenga ake? He aha ngā mea kāore i tino pai? Āe rānei e kitea ana ngā hua o aua kawenga? Kei raro nei ā mātou uiuinga hei whakamahi mā koutou ina hiahiatia, mā koutou rānei e waihanga ā koutou ake:

Rauemi

The Language Planning Process

We recommend the following process: self assessment, plan development, plan implementation, review and refreshment.

Key Questions for Organisations Developing a Language Plan

Things to consider when developing a Māori language plan.

Language Plan Template

A template to get you started with your language plan.

Te Reo Māori Attitudes Survey

This questionnaire seeks to establish the opinions of the staff about the Māori language and its use.

Organisation Survey of Support for Te Reo Māori

A survey designed to identify where your organisation is at on its journey to support te reo Māori. 

E Tipu - Organisation Capability Model

The model outlines levels of progress for organisations. This is a continuous improvement model; an ongoing, long-term approach to improve processes, products and services.

Key Questions for Monitoring and Evaluation

The purpose of evaluation and monitoring is to assist with identifying and understanding what we want to gain from investing time and resources into the Māori language plan.

Ngā huānga e rima o te whakamahere reo

Mana, Mārama pū, Ako, Kōrerotanga, Kounga

Haere

Te Rēhita kaiwhakamāori

Ki konei kōwhiri ai i tētahi kaiwhakamāori kua oti i a mātou te whakamana

Haere

Rauemi reo Māori

Kua huihuia ngā akoranga reo Māori ki tā mātou pae tukutuku www.reomaori.co.nz

Haere

Hononga