He tauākī matatapu

Te whakamahi pihikete

He whakamahi ‘pihikete’ te pae tukutuku nei hei pupuri pārongo mō ngā whanonga a ngā ringa ka whāwhā i a ia. He mara waehere te pihikete ka waihanga kōnae ki tō rorohiko e puritia ai ō hiahia, pēnei i te reo e pai ana ki a koe. Ka kohia ēnei pārongo kia maumaharatia ai tāu i pai ai ina tirotiro anō, ina toro mai anō koe i te pae tukutuku nei. 

Tē taea ngā kōrero nei te whakamahi hei tautohu i te tangata takitahi, i te pārongo whaiaro rānei. He mea kohikohi te tōpūtanga o ngā raraunga, ā, ko ētahi kaimahi anake e āhei ana te whakamahi. Kāore hoki e tukua ngā kōrero nei ki rōpū kē.   

Ka taea anō hoki e koe te aukati te kohinga pihikete. Kei te nuinga hoki o ngā pūtirotiro tētahi hanga e taea ai te pihikete te kape atu, ka whakaohiti rānei i a koe ina tukua he pihikete – tēnā tirohia te ‘Āwhina’ i tō pūtirotiro. Kāore e raru tō whāwhā i te pae tukutuku nei ki te aukatia e koe te kohinga pihikete. 

Me he pātai āu, tēnā tukua mai ki: [email protected]

 

Ngā pārongo whaiaro ka tae mai ki a mātou

Kei a ngāi tūmatanui mā te tikanga ina hiahia toro kirimuna mai rātou i te pae tukutuku nei, mō te aha rā te take. Kāore mātou e mauhanga aunoa i ngā pārongo whaiaro o ngā kaiwhakamahi takitahi.   

Heoi anō, ka whakaemia ngā taipitopito whaiaro ka āta whakaurua e koe ki tā mātou pae tukutuku i a koe:

  • ka rēhita, ka hono rānei ki tētahi kaupapa, ka toha kōrero, ka whakakī puka tono rānei 
  • ka īmēra mai, hei:
    • tono i tētahi tānga kōrero, i tētahi pānui rānei 
    • rēhita i tō tū hei kaiwhakamāori 
    • whakauru ki Te Toi Reo Māori
    • whakauru ki Ngā Tohu Reo Māori
    • whakauru ki Whakamātauria Tō Reo Māori
    • whai wāhi ki Te Whakamahere Reo
    • whakaputa i ō whakaaro ki tētahi kaupapa
    • tono pārongo atu anō i Te Taura Whiri i te Reo Māori.

Kāore mātou e kohi pārongo i wāhi kē mō te hunga ka tatū mai ki te pae tukutuku nei, pēnei i ngā mauhanga tūmatanui, i ngā rōpū tūmatanui, i ngā whakahaere tūmataiti rānei.

 

Ngā take e puritia ai e mātou ēnei kōrero whaiaro

Whakamahia ai e mātou ngā pārongo whaiaro ka tukuna mai e koe mō ngā kaupapa anake i tukuna mai ai. Hei tauira, ki te tono koe kia tukuna atu he tānga kōrero ki a koe, ka utaina ngā taipitopito ka homai rā e koe ki tētahi pātengi raraunga e ea ai tērā tono. Kāore e whakamahia mō tētahi kaupapa kē atu. 

Waihoki, ka puritia ngā kōrero whaiaro nei mō te wā e mātua hiahiatia ana e tutuki ai te kaupapa i kohia ai aua kōrero. Hei ōna wā anō pea ka pātai atu mātou mēnā e pīrangi tonu ana koe kia puritia e mātou ngā kōrero mōu. Engari ina hiahia koe kia whakatikaina, kia tangohia rānei, heoi anō tāu he tono mai.

Kei a koe anō te tikanga ina hiahia maunu koe i te hunga ka whiwhi i tā mātou pānui, i tētahi atu kaupapa rānei a Te Taura Whiri kua noho nei koe hei huānga, mā te whai noa i te hono maunu kei te mutunga o te īmēra, mā te whakapā mai rānei ki [email protected].

 

Te āhua o tā mātou rokiroki i ēnei kōrero whaiaro

Ka kawe ake mātou i ngā mahi katoa e tika ana hei tiaki i ngā pārongo whaiaro ka whakaemia e mātou, kia kore ai e ngaro noa, e taea rānei e te ringa poka noa, e whākina hētia, e rahua rānei e tētahi. 

Ka āta whāwhāria ō kōrero whaiaro i runga anō i te kaupapa i homai ai. Nō reira, tērā te tūpono ka āhei atu ngā kaimahi katoa a Te Taura Whiri i te Reo Māori ki ō kōrero, engari ka mau tonu te matatapu o aua kōrero i te mea he here hei runga i ngā kaimahi katoa kia mātua hāpai i te noho tapu o ngā pārongo o te hunga ka toro i tō mātou pae tukutuku.

Ka toritori anō mātou ki te tiaki i ō pārongo whaiaro ki ngā tikanga hangarau e āraia atu ai te: 

  • toro poka noa i ō kōrero
  • whakamahi hē, te whāki hē rānei 
  • raweke poka noa i ō kōrero
  • whakakorehanga kīhai i whakaaetia e te ture, te ngaromanga pokerehūtanga rānei.

Kāore e taea e te manuhiri, e tētahi kaimahi rānei i tua atu i ā Te Taura Whiri ake, te whāwhā ō kōrero whaiaro ka homai e koe. Ka mutu, e kore mātou e whāki i ō kōrero whaiaro ki tētahi atu whakahaere ki te kore koe e mātua whakaae, hāunga ia ngā wā e whakahaua ai mātou e te ture, e te waiture rānei kia pērā. 

 

Ka tuku tonu mātou i ngā kōrero whaiaro ki tētahi rōpū kē, mō ngā mahi whakatairanga

Whakamahia ai e mātou te Campaign Monitor hei tuku īmēra, koia hoki tā mātou pae whakaaunoa i ngā mahi whakatairanga. Nō konei, ka tukua ētahi o ō kōrero whaiaro ki te Campaign Monitor, kia pai ai te tuku pānui, karere anō hoki ki a koe mō ngā kaupapa tērā e whaitake ana ki a koe. Mā tō whakauru ki te rārangi o te hunga ka whiwhi i ēnei tūmomo kōrero, kua whakaae koe kia whakawhitia ngā kōrero whaiaro ka tukua mai e koe ki te Campaign Monitor hei whakamahi māna, i runga anō i āna ake Kaupapa-here Matatapu. 

Campaign Monitor Privacy Policy

Ki te hiahia kite koe me pēhea koe e puta ai i ngā tātaritanga raraunga a Campaign Monitor, haere ki tā rātou preferences page.

 

Ō mōtika

Kei a koe te mana ki te tono tauira o ō kōrero whaiaro kei a mātou e mau ana – me whakapā noa mai, me tuku īmēra mai rānei ki Te Taura Whiri i te Reo Māori. Ka tukua atu ki a koe ngā pārongo katoa e hāngai ana i roto i ngā rā mahi e 20.  

Kei te pai anō ina hiahia whakatika, whakahou rānei koe i ō kōrero whaiaro kei a mātou e pupuri ana.

 

He pātai, he whakaaro rānei

Me he pātai āu mō tā mātou kaupapa-here matatapu, ō kōrero whaiaro rānei kua tukua mai rā e koe, tēnā whakapā mai ki Te Taura Whiri i te Reo Māori.

Ki te kore e tau tō ngākau i te āhua o tā mātou urupare, e āhei ana koe te whakapā atu ki te Te Mana Mātāpono Matatapu.