Tū ai Te Wiki o te Reo Māori i te Mahuru i ia tau. He wā tēnei e whakakotahi ai a Aotearoa ki te āta whakanui i te reo Māori.  

Ko te 14 o Mahuru 1975 te rā i tīmata ai te tuatahi o ngā Wiki o te Reo Māori.

Ahakoa tautāwhi mātou i te hunga e ako ana i te reo Māori, wiki atu, wiki mai, marama atu, marama mai, he rawe ngā kaupapa pērā i Te Wiki o te Reo Māori me Mahuru Māori hei whakakorikori i te mātinitini ki te hāpai i te reo. 

I tā mātou pokapū tuihono ko www.reomaori.co.nz te ingoa, ka tukua he pārongo, he kōrero whakaohooho, whakatītina anō i ngā rangi e 365 o te tau.

I ia tau pānuitia ai ā mātou whakaritenga mō Te Wiki o te Reo Māori ki tā mātou pae tukutuku hou: www.reomaori.co.nz.

I te 2020, nā runga i te ngau a Korona-19, ka whakakorehia ā mātou hīkoi reo Māori, tahuri kē ana ki a kaupapa rua, he kaupapa i te ao mariko, ko Te Wā Tuku Reo Māori te ingoa. Kotahi miriona ngahoro te hunga i tuihono mai. 

Me te aha, riro ana tēnei hei kaupapa ka tū i ia tau i Te Wiki o te Reo Māori, kia hono mai ai te nuipuku i ngā tōpito katoa o te ao ki te whakanui i te reo. 

Anei te roanga o ngā kōrero mō Te Wā Tuku Reo Māori.

He mea tāpae atu te Petihana mō te Reo Māori ki te aroaro o te pāremata i te 14 o Mahuru 1972. Nō muri mai, poua ana tēnei hei Rā o te Reo Māori. 

I te 1975, ka riro ko te wiki i tīmata rā ki te 14 o Mahuru, koia Te Wiki o te Reo Māori. Ahakoa kei tēnei takiwā i ia tau, ka pānuitia ngā rangi ake o Te Wiki o te Reo Māori mō ia tau i te tīmatanga tonu o taua tau.

He pai ngā kaupapa pēnei i Te Wiki o te Reo Māori me Mahuru Māori hei whakakorikori i te motu ki te hāpai i te reo. 

Nō te tau 2017 i whakarewahia ai a Mahuru Māori. Ko tāna, he mātātaki i te hunga matatau ki te reo kia kōrero Māori anake mō te katoa o te Mahuru. 

I te 2020, ka whakaterea e mātou he pae tukutuku hou ko www.reomaori.co.nz te ingoa. Ko tāna, he āwhina i ērā e ako ana, e awhi ana i te reo, mō te roanga atu o te tau, ehara kau ana mō te marama o Mahuru anahe. Nō reira, kua takoto he ara e āta tautokona ai te hunga hāpai i te reo, haere he wiki, haere he marama, mō te roanga o te tau. 

Kāore e hokona ana ngā poraka. Engari ki te whai wāhi koe ki ngā kaupapa i ā mātou pae matihiko, tērā tonu koe e waimarie, e whakawhiwhia ki ēnei tūmomo taonga.

Heoi anō, e wātea ana tō mātou waitohu heitiki hei kapo māu i ngā ara tuihono, e pai ai tō tā atu ki ōu ake kākahu, ina hiahia koe. Heoi anō, kaua e whakamahia hei taonga hoko māu. Ki konei koe tiki ai i tō matou nei tohu, me te pānui anō i ngā here kei runga.  

Ki konei koe rēhita ai mō Te Wā Tuku Reo Māori: www.reomaori.co.nz.

Kei www.reomaori.co.nz/ideas ētahi whakaaro, ētahi rauemi anō hoki hei āwhina i a koutou ki te whakanui i Te Wiki o te Reo Māori. 

Āe. Haere ki www.reomaori.co.nz ki reira tiki ai i ā mātou pānui whakaahua. Ā, anei ngā tauira tā me ngā tauira matihiko o tō mātou waitohu heitiki.  

Kaua e wareware ki te tāpiri i tā koutou kaupapa whakanui i te reo ki tā mātou Maramataka o ngā Kaupapa Reo Māori.

Āe, engari he here kei runga. Anei ngā kōrero ārahi mō te whakamahi i ō mātou waitohu. He whakairoiro pāhopori anō ā mātou e āhei ana koe te whakamahi mō Te Wiki o te Reo Māori. Ka mātua utaina ēnei ki www.reomaori.co.nz/resources.

Ko te whakamahere reo, he ahunga whai taunakitanga ka tino whaihua mō te whakarauoranga o ngā reo taketake me ngā reo kua mōrearea. 

He tuhinga te mahere reo ka tātai i ngā mahi whakariterite e hāngai ana ki tāu ake whakahaere. Tērā pea he iti noa ngā mahi ka taea e tāu nā whakahaere, tērā rānei he nui.  Ko te mea nui, kia tīmata rawa koutou, kia auau te tirotiro i te whaihua o ngā mahi, ā, me he mahi atu anō ka taea te kawe ake.

Mā te mahere, ka takoto he arotahinga, he huarahi anō hoki e ū tonu ai te katoa ki ngā whāinga reo. Kei a koutou te tikanga mō te māmā, mō te whānui rānei o te aronga. Ehara i te mea kotahi anake te tauira e tika ana mā te katoa – inā hoki te matahuhua o ngā mahere kua takoto kē i te rāngai tūmatanui me te rāngai tūmataiti. 

Ki konei koe whaiwhai ai i te roanga atu o ngā kōrero mō te whakamahere reo. 

He mea tohutohu e te Kāhui Minita ngā tari ratonga tūmatanui katoa kia whakatakoto mahere reo.

Kei te whakatakotoria hoki he mahere reo e te maha atu o ngā whakahaere rāngai tūmatanui, ngā pakihi me ngā rōpū hapori. He ara whaihua e tautokona ai ngā mahi whakahauora ake i te reo Māori.

Mā te mahere reo Māori ka āta whakaritea ngā mahi whakaora i te reo kia nui ai ngā hua. 

Mā te tārai me te whakatinana i tētahi mahere reo Māori, ka puta ēnei hua ki tō whakahaere:

• Ka whai wāhi koutou ki te whakarauoratanga o te reo Māori.
• Ka torokaha ake ō koutou hononga ki a ngāi Māori. 
• Ka kaha ake te kitea nō Aotearoa tō whakahaere. 
• Ka hauora ake tō whakahaere, mā roto mai i tā koutou whakatupu i tētahi tokomatua māia, whai mātauranga, whai pūkenga.
• Ka tutuki ētahi atu o ā koutou whāinga e noho taonga ai te kōrero Māori, pēnei i ngā mahi whakawhanaunga a te Karauna ki ngā iwi Māori, i te kanorautanga, i te kauawhitanga me te aronui ki ngā ahurea.   

Tirohia te Whakamahere Reo mō ngā pārongo e mōhio ai koe me tīmata i hea.

Koinei te ara whakamahere reo e taunakitia ana e Te Taura Whiri i te Reo Māori:

• Te arotake whaiaro (4-6 wiki)
• Te whakamahere i te ara whanake (6-8 wiki)
• Te whakatinana i te mahere (9-12 marama)
• Te arotake me te whakahou haere (6-8 wiki)

Tirohia te Whakamahere Reo mō ngā pārongo e mōhio ai koe me tīmata i hea.

Tirohia te Whakamahere Reo mō ngā pārongo e mōhio ai koe me tīmata i hea.

Mēnā nō te rāngai tūmatanui tō whakahaere, mā Te Taura Whiri i te Reo Māori koutou e āwhina, mā roto mai i: 

• te tuku whakamāherehere rautaki, taumatua whakamahere   
• te mahi tahi ki te hāpai i ngā putanga kaupapa-here me ngā tūmanako mō te reo Māori, i ōna wā anō e taea ai 
• te tuku āwhina taha reo, i ōna wā anō e taea ai 
• te hora rauemi whakamahere reo me ōna anō tautoko hei āwhina i a koutou ki te hoahoa, ki te whakatutuki, ki te aroturuki, ki te arotake anō hoki i tā koutou mahere reo Māori   
• te mahi tahi ki a koutou ki te whakarite koringa toitū mō roto i te mahere reo, he koringa e taea ana te whakatinana me te arotake 
• te whakanui me te whakatairanga i ā koutou tutukinga 

I tēnei wā, kāore mātou e āwhina takitahi i ngā rōpū o te rāngai tūmataiti, engari ka taea e koutou te nanao iho ā mātou tātauira i Te Whakamahere Reo, ka kawe ake ai i te mānuka

Me kawe ake ngā whakahaere i ā rātou mahi whakarauora i te reo Māori i runga anō i ngā pūtea e whakawhiwhia kētia ana ki a rātou. Heoi anō, arā ētahi mahi ka taea i runga i te iti noa o te whakapaunga moni. Ko ēnei e whai ake nei hei tauira:

• Te whakakapi i ngā tohu tūmatanui reo Ingarihi ki ngā tohu reorua, ina tae ki te wā e tika ana mō te whakahoutanga o aua tūmomo tohu.   
• Te whakatakoto anga kaupapa-here hei tautoko i ngā mahi whakaora reo ā ngā rā e heke mai nei. Hei tauira, he kaupapa-here e reo Māori ai ngā kupu mihi me ngā kupu whakakapi i ngā karere īmēra. 
• Te whakamahi i ngā rauemi kei tēnei pae tukutuku me te www.reomaori.co.nz

E whakaritea ana he taputapu ka noho mai ki te pae tukutuku nei e ako tahi ai, e whai wāhi tahi ai ngā whakahaere e hiahia ana kia pērā rātou.

Ko tā mātou e taunaki ana, kia whakamahia te anga raukaha tara ā-whare e kīia nei ko E Tipu, kei te kokonga taputapu. Kua takoto hoki he rārangi pātai hei āwhina i a koutou ki te whakatau iho kei hea ake koutou o te anga e haere ana.

He tātauira atu anō kei konei: Te Whakamahere Reo

He titiro whānui tā te rautaki, engari ko te mahere, ka anga whāiti ki ngā mea ka mahia e tā koutou whakahaere, he aha anō ngā takahanga a te whakahaere i te ara whakatutuki i āna whāinga. Mehemea he tari rāngai tūmatanui koutou, ko te Rautaki Reo Māori a te Karauna, arā, te Maihi Karauna, koia kē tā koutou rautaki reo. 

Ko te whakatenatena i ngā kaimahi me te iwi tūmatanui kia:

• tuku i ngā mihi ki te reo Māori, pēnei i ēnei: ‘kia ora’, ‘tēnā koe’, ‘tēnā kōrua’, ‘tēnā koutou’, ‘haere rā’, ‘e noho rā’ 
• tuku i ngā mihi ki te reo Māori i ngā whakawhitiwhiti īmēra 
• whakarite wā pūmau mō te kōrerorero Māori i tō whakahaere. Hei tauira:
  • ko tētahi wā i te rānui e tū ai he kēmu reo Māori
  • he akoranga reo Māori
  • te whakarite ‘kīwaha o te wiki’, hei tauira, ‘Tautoko!’ 
  • te whakatairanga i te reo Māori i tā koutou whatungaroto.

Tirohia te paetukutuku www.reomaori.co.nz/ideas mō ētahi anō koringa reo.

Kāore mātou e whakamāori kōrero mā ētahi atu, engari kei konei tā mātou rēhita o ngā kaiwhakamāori ā-tuhi, ā-waha. E āhei ana koe te tirotiro i te rārangi nei me te kōwhiri i tētahi e ngata ai ō hiahia taha whakamāori. Māu anō e whakapā arorangi atu ki te kaiwhakamāori.

Kāore mātou e whakamāori kōrero mā ētahi atu, engari kei konei tā mātou rēhita o ngā kaiwhakamāori ā-tuhi, ā-waha.

Kei ēnei ratonga anō hoki e whai ake nei ētahi āwhina mō ngā whakamāoritanga poto: 

Te Aka
He papakupu tuihono utukore, kei reira ngā tikanga o ngā kupu me ētahi tūāporo oro hei ārahi i te whakahua.

Ōkupu
He taupānga manaaki i ngā tono whakamāori kōrero – koia pea tēnei ko te ‘Uber’ o te ao tono whakamāoritanga! Heoi anō, me utu anō. 

He pai anō ēnei puna āwhina mō te ako me te whakawai i te tātaki me te whakahua tika.

E whai mana ana ngā reo ā-iwi katoa. Me whakapā atu ki te/ngā iwi, ki te/ngā hapū o te rohe, mā rātou koe e ārahi ki ngā mātauranga ā-rohe e tika ana.

Ko tā mātou pae tukutuku www.reomaori.co.nz tētahi mātāpuna o ngā mea katoa e pā ana ki te reo Māori. Kei reira e rewa mai ana he rauemi, he kaupapa, he akoranga, he paki, he aha atu, mā ngā tāngata kei te ara reo, ahakoa kei hea ake rātou o te ara e haere ana. 

E rua ngā puna rauemi: ko tētahi e whakaatu ana i ā mātou ake rauemi, ko tētahi mō ngā tino rauemi a ētahi atu.

Kua huihuia ngā akoranga reo Māori ki tā mātou pae tukutuku www.reomaori.co.nz: te mātāpuna o ngā mea katoa e pā ana ki te reo Māori. Māu tonu e kimi tāu i pai ai, mā te whakamahi i ngā tātari me te rapu i ngā mea ka taea te kawe i tōu anō rohe. Tēnā haere ki te tirotiro!

Ko tā mātou pae tukutuku www.reomaori.co.nz tētahi mātāpuna o ngā mea katoa e pā ana ki te reo Māori. Kei reira e rewa mai ana he rauemi, he kaupapa, he akoranga, he paki, he aha atu, mā ngā tāngata kei te ara reo, ahakoa kei hea ake rātou o te ara e haere ana.

E rua ngā puna rauemi: ko tētahi e whakaatu ana i ā mātou ake rauemi, ko tētahi mō ngā tino rauemi a ētahi atu.

Anei, kei tēnei putunga rauemi ā mātou rauemi mō Te Wiki o te Reo Māori.

Ko tā mātou pae tukutuku www.reomaori.co.nz tētahi mātāpuna o ngā mea katoa e pā ana ki te reo Māori. Kei reira e rewa mai ana he rauemi, he kaupapa, he akoranga, he paki, he aha atu, mā ngā tāngata kei te ara reo, ahakoa kei hea ake rātou o te ara e haere ana.

Āe, e mea ana koe! Mā mātou e tuku ki te kāhui mahi e tika ana. Tēnā īmēratia mai ki [email protected]. Nau mai e te whakaaro! 

Kāore ā mātou kōrero ārahi mō ngā tikanga Māori. Me whakamātau pea ko Te Puni Kōkiri.

Tono ai mātou kia kawea ōna anō rangahautanga hei tātai, hei mauhanga, hei tautāwhi anō hoki i ngā mahi whakaora ake i te reo Māori ki Aotearoa. Anei ā mātou pūrongo katoa kua whakaputaina i roto i ngā tau.

Kāo, kāore mātou e tautoko ā-pūtea i ngā kaupapa rangahau. 

Tirohia tā mātou putunga rangahau – kei reira ētahi tuhinga mō ngā mahi rangahau i te reo Māori. 

Me he pātai atu anō, tēnā whakapā mai ki a mātou, i te [email protected].

Kāore e hokona ana ā mātou taonga whakatairanga i te reo. He pūtahi kāwanatanga mātou, me te aha, hei here kei runga i a mātou mō ngā momo mahi tauhokohoko e whakaaetia ana kia kawea e mātou. 

Heoi anō, mā tō whai wāhi mai ki ā mātou kaupapa whakatairanga me ā mātou kaupapa tukukoha i ā mātou pae matihiko, tērā pea koe e waimarie, e whiwhi i te taonga whakatairanga.

• Te paetukutuku a Reo Māori
• Facebook
• Instagram
• Twitter
• TikTok
• LinkedIn

Waihoki tō mātou waitohu o te heitiki, e wātea ana tērā hei kapo tuihono māu, e pai ai tō tā atu ki tōu anō kākahu, mōu ake, ina hiahia koe. Engari kāore e whakaaetia tō hoko atu, arā, tō mahi moni ki te waitohu nei. Ki konei koe tiki ai i te tohu nei me te pānui anō i ngā here kei runga.

E wātea ana tēnei waitohu ki te hunga tūmatanui hei tautoko i ā rātou kaupapa whakaora ake i te reo Māori. E pai ana tō tā atu ki āu anō taonga whakatairanga, engari kia kaua rawa e puta he hua taha moni nei ki a koe, ki a wai ake rānei i te whakamahinga.

E whakaaetia ana te tā atu ki ngā poraka me ētahi atu hanga mō tō wāhi mahi, tō kura, tō rōpū rānei, engari kaua e tāpiria he utu atu anō ki te utu waihanga. Māu anō e whakarite te tānga, te kaiwhakarato anō hoki. 

Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu me ngā here anō hoki kei runga.  Ki konei tīkina ai te waitohu heitiki e pai ana mō ngā mahi tā.   

He pūtahi kāwanatanga mātou, me te aha, hei here kei runga i a mātou mō ngā momo mahi tauhokohoko e whakaaetia ana kia kawea e mātou. 

E wātea ana tō mātou waitohu ki te hunga tūmatanui hei tautoko i ā rātou kaupapa whakaora ake i te reo Māori. E pai ana tō tā atu ki āu anō taonga whakatairanga, engari kia kaua rawa e puta he hua taha moni nei ki a koe, ki a wai ake rānei i te whakamahinga.

E whakaaetia ana te tā atu ki ngā poraka me ētahi atu hanga mō tō wāhi mahi, tō kura, tō rōpū rānei, engari kaua e tāpiria he utu atu anō ki te utu waihanga. Māu anō e whakarite te tānga, te kaiwhakarato anō hoki. 

Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu me ngā here anō hoki kei runga. Ki konei tīkina ai te waitohu heitiki e pai ana mō ngā mahi tā.   

Taka mai ki te tau 2016, ko Te Taura Whiri i te Reo Māori te ringa tohatoha i te tahua o Mā Te Reo. Engari kua kore ā mātou putea tohatoha ināianei. Kei ō mātou hoa pātui e tūtira ana i raro nei ētahi pūtea tautoko:  

Te Mātāwai 
Ko tāna, he whakahaere i a Mā te Reo. He pūtea tēnei hei tautoko i ngā kaupapa me ngā hui ka kawea e ngā iwi me ngā hapū hei whakarauora i te reo. He huhua ngā momo kaupapa a ngāi Māori, mā ngāi Māori, ka tautokona ki te tahua nei, pēnei i ēnei: ngā kura reo, ngā whakarauikatanga reo, ngā akoranga tuihono, me ngā rauemi mā te iwi, mā te hapū. 

Te Māngai Pāhō
Ko ia te pokapū tuku pūtea tautoko ki ngā mahi pāpāho Māori. He pūtea tautoko tāna mō ngā kaupapa pārekareka, kaupapa pāpāho e whai ana kia tūhauora ake te reo Māori. Anei ētahi o ngā momo pāhotanga tērā e tautokona: ngā hōtaka pouaka whakaata, ngā kiriata, ngā kaupapa matihiko, tae atu ki ngā taupānga.

Te Puni Kōkiri
Whakatūria ai e Te Puni Kōkiri he whiringa toha pūtea i ōna wā anō hei tono mā ngāi Māori. Ehara i te mea e anga nui ana te katoa ki te reo Māori, engari ka whai hua tonu te tirotiro i tēnei ara tono pūtea.  

Te Manatū Taonga
Ko tāna he tuka pūtea ki ngā kaupapa me ngā hui e whakatairanga ana i te ahurea, tae atu ki ngā kaupapa ā-motu pērā i Te Rā o Waitangi, ki ngā kaupapa tāhuhu kōrero me ngā kaupapa toi.

Toi Aotearoa
He maha ōna peka tuku pūtea, ko ētahi kua tohua māriretia mā ngāi Māori - tirohia Ngā Toi Māori.

Ka āta mahi tahi mātou ki ngā rōpū whai pānga mai ki te reo me ō mātou hoa pātui ki te tautoko i ā rātou kaupapa. Tērā anō pea mātou e tautoko i ngā kaupapa ā-motu ka āta tuku i te kakara o te reo Māori kia tau atu ki a matahuhua mā. Īmēratia mai ki [email protected].

Ko Te Toi Reo Māori tā mātou akoranga utukore e whakangungua ai, e whakamanaia ai te hunga tino matatau ki te reo Māori kia tū hei kaiwhakamāori ā-tuhi, ā-waha. Ka tū ētahi wānanga tahi ki ōna anō mātanga, e eke ai tō mōhio ki te whakamāori kōrero ki te toi, ki te taumata. 

Kei konei te roanga atu o ngā kōrero mō Te Toi Reo Māori.

Ka rerekē i ia tau. Heoi anō, ko te tikanga, kotahi, e rua rānei ngā rangapū ka whakangungua i ia tau.

Ki konei koe pānui ai i ngā kōrero mō Te Toi Reo Māori, me te whakapuaki anō i tō hiahia whakauru mai.

Kāore he utu mō te whai wāhi ki ngā wānanga. Engari he utu hāereere pea e tae atu ai koe ki ngā wānanga, ka mutu, me mātua tae ake ki ngā wānanga katoa.

Mehemea kua whakamanahia e Te Taura Whiri i te Reo Māori tō tū hei kaiwhakamāori, te tū rānei a tētahi atu e mōhio ana koe, engari kei te ngaro tō/tōna ingoa i te rēhita, tēnā koa homai ngā kōrero e rite ana, mā te whakakī noa i tēnei puka.

E tūhura ana mātou i ngā ara e taea ai te kaupapa nei te kawe tuihono ā ngā rā kei te heke iho.

Mehemea nō tētahi rōpū pāpāho koe, ā, e hiahia ana koe kia tū he uiuinga, kia āta puta rānei he kupu i tā mātou whakahaere, īmērahia a [email protected]. 

Ka hohoro tonu tā mātou aro ki ngā pātai a te hunga pāpāho. 

Kua oti i ētahi atu he rangahautanga mā mātou mō te reo Māori. Kei konei ngā kōrero mō aua rangahautanga.

Me he kaupapa tāu e whakatāiri ana i te reo Māori, e tautoko ana rānei i ngā mahi whakarauora i te reo, tēnā whakamōhio mai. Tukua mai ngā taipitopito ki [email protected], ka mahi mātou kia awe tonu te whakahoki kōrero atu ki a koe. 

Kāo. Karekau he wāhi i ā mātou pae tukutuku hei hoko mō ngā pānui whakatairanga. 

Me he kaupapa tāu e whakatāiri ana i te reo Māori, e tautoko ana rānei i ngā mahi whakarauora i te reo, tēnā whakamōhio mai. Tukua mai ngā taipitopito ki [email protected], ka mahi mātou kia awe tonu te whakahoki kōrero atu ki a koe. 

Tirohia tā mātou putunga rangahau – kei reira ētahi tuhinga mō ngā mahi rangahau i te reo Māori. 

Me he pātai atu anō, tēnā whakapā mai ki a mātou, i te [email protected].

Kei te whakahaeretia e Te Taura Whiri ngā Whakamātautau Tohu Taumata/ Whakamātauria Tō Reo Māori (LFE), he whakamātautau ā-motu e tohu ana i te kaha matatau o te tangata ki te reo Māori. Mā te whakamātautau nei e whakaatu te taumata kei reira te mārama o te tangata ki ngā kupu ka rongo rā te taringa, me tōna mōhio hoki ki te punakupu me ngā āhuatanga wetereo.

Mō te roanga atu o ngā kōrero e pā ana ki te LFE, pāwhiria a konei.

Kia eke ki te 20 neke atu rānei ngā tāngata i tō rohe kua whakaatu mai i tō rātou hiahia whakauru ki te LFE, ka whakaritea e ngā kaiwhakahaere whakamātautau a Te Taura Whiri tētahi wāhi i te rohe e tū ai te whakamātautau, tae atu ki te rā me te wā. Ka tukuna atu he īmēra e whakaū ana i te rā, te wā me te wāhi, tae atu ki te hononga ki te puka rēhita mō te whakamātautau kua whakaritea kia tū. 

I muri i te taenga atu o ēnei pārongo ki a koe, ka tae atu koe ki te kawe i te whakamātautau ā te rā kua tohua, ka tatari ai kia tukuna atu ngā hua o te whakamātautau ki a koe. 

Kei konei te roanga atu o ngā kōrero mō te whakauru.

Āe, ka taea te whakauru tō wāhi mahi ki te kawe i te LFE. 

Mō tētahi tono rangatōpū e 20 neke atu rānei ngā tāngata, ka whakarite ngā kaiwhakahaere kia tū te whakamātautau ki tō wāhi mahi tonu, mehemea koinā tō koutou hiahia.   

Kei konei te roanga atu o ngā kōrero mō te whakauru.

Tū ai ngā whakamātautau i ngā wā katoa o te tau. Heoi anō, me mātua whakarite e ngā kaiwhakahaere ngā wāhi me ngā whare e tu ai, ngā rā me ngā wā, tae atu ki ngā āhuatanga hāereere. 

Kei konei te roanga atu o ngā kōrero mō te LFE.

Kāore he utu mō te whakauru ki te LFE, engari me he utu e tae atu ai koe ki te wāhi e tū ai, māu ērā utu e pīkau. 

Kei konei te roanga atu o ngā kōrero mō te LFE.

Āe, e tirohia ana ētahi kōwhiringa mō te uta atu i te whakamātautau nei ki te pae tuihono mō ngā rā e tū mai nei.

Kia mātua whakaaetia tō nanao iho i tō mātou waitohu rangatōpū, hei reira taea ai e koe te whakamahi. Ina tukua tā mātou kupu whakaae, ki konei tīkina ai te tohu nei.

E wātea ana tō mātou waitohu heitiki ki a ngāi tūmatanui mā hei tautoko i ā rātou mahi whakarauora reo. E taea ana te whakamahi mō ngā kaupapa whakatairanga, ngā hui, ngā whakaaturanga, engari kia kaua e puta he hua taha moni nei ki a koe i te whakamahinga. Ki konei koe tiki ai i te waitohu o te heitiki.

E whakaaetia ana te tā atu i te waitohu nei ki ētahi hanga, engari kia kaua rawa e puta he hua taha moni nei ki a koe, ki tētahi atu rānei i te waitohu nei.  

E whakaaetia ana te tā atu ki ngā poraka me ētahi atu hanga mō tō wāhi mahi, tō kura, tō rōpū rānei, engari kaua e tāpiria he utu atu anō ki te utu waihanga. Māu anō e whakarite te tānga, te kaiwhakarato anō hoki. Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu me ngā here anō hoki kei runga.  

Ki konei tīkina ai te waitohu heitiki e pai ana mō ngā mahi tā.  

E wātea ana te waitohu heitiki ki te hunga tūmatanui hei tautoko i ā rātou kaupapa whakaora ake i te reo Māori. E taea ana te whakamahi hei taunaki i ōna anō kaupapa, hui, whakaaturanga mō te reo, engari kia kaua e puta he hua taha moni nei ki a koe, ki a wai ake rānei i te whakamahinga.

Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu.

Ki konei tīkina ai te waitohu heitiki.