He aratohu tono whakamāoritanga

Mēnā koutou e hiahia ana kia whakamāoritia he kōrero mō roto i ā koutou mahi, anei ētahi mea hei āta whakaaro ake mā koutou.

  • Kāore Te Taura Whiri i te Reo Maori e whakamāori kōrero mā ngāi tūmatanui mā. Ko tā mātou kē, ko te whakamana kaiwhakamāori ā-tuhi, ā-waha. Arā tā mātou Rēhita Kaiwhakamāori ā-Motu, kei reira e rārangi mai ana ngā kaiwhakamāori kua oti te whakamana, mā rātou kē e kawe ake ēnei tū mahi mā koutou.  
  • Ehara i te mea he kaiwhakamāori katoa te hunga mōhio ki te kōrero Māori. He pūkenga motuhake te whakamāori kōrero; mā te whakangungu, mā te whakawai e pahure ai. Me tōmua tā koutou whakariterite, me tōmua anō te whakapā atu ki te kaiwhakamāori. He taurangi tonu ngā utu o te whakamāori kōrero me te roa o te wā e oti mai ai – kei te āhua tonu o te momo kōrero me te rahi o te kōrero e whakamāoritia ana. Mā kōrua ko te kaiwhakamāori te utu e whiriwhiri, e whakatau. 
  • Me ikeike ka tika te kounga o ngā whakamāoritanga mō roto i ngā ratonga tūmatanui. Ko tā mātou te tūtohi nei, kia whakamahia tētahi o ngā kaiwhakamāori kua whakamanaia e mātou, māna kē koe e āwhina.

Find a translator

Tirohia tā mātou Rēhita Kaiwhakamāori ā-Tuhi, ā-Waha o te Motu ki te kimi i ngā tāngata whai tohu whakamana, mā rātou e manaaki ā koutou tono whakamāori.

Haere

Te Rēhita kaiwhakamāori

Ki konei kōwhiri ai i tētahi kaiwhakamāori kua oti i a mātou te whakamana

Haere

Toi Reo Māori

Whakamanaia tō tū hei whakamāori

Haere

Hononga