Kaitohutohu Mahere Reo | Language Planning Advisor 

Te Tūranga

He Tūranga Kaupeka Pūmau tae noa ki te Tīhema 2026.

Ko tā te Kaitohutohu Whakamahere Reo he tautoko i ngā pūtahi, e āwhina ana i te whakawhanaketanga o ā rātou mahere reo mā:

• te whakatairanga i ngā hononga me te tuku kōrero āwhina puta noa i aua pūtahi
• te āwhina i te whakawhanaketanga o ngā taputapu me ngā rauemi

Te Kaitono

E kimi ana mātou i tētahi tāngata e taunga ana ki te tuitui whatunga, e tau ana hoki ki te whakahaere hononga.

Ka whai wheako koe ki:

• te whakahaere kiritaki/hononga
• te whakaatu me te kōrero ki te hunga tūmatanui
• ngā momo tūranga hokohoko/whakatairanga

Mātua rā, ka tō mai koe i te ihiihi, i te ngākau hihiko me te whakamaunga ki te tautoko i te reo Māori i te ratonga tūmatanui.

Te Ohaoha

He taiao mahi tēnei:

• e haumaru ana ki te ako i te reo Māori
• ko ngā kaupapa Māori tōna tūāpapa
• e tautoko ana i ētahi atu, e akiaki ana hoki i ngā whakaaro hou
• e āhei ai koe ki ngā whakaritenga mahi tāwariwari

E ngākau titikaha ana mātou ki te waihanga i tētahi horopaki mahi Māori tūturu, arā he matahuhua, he kauawhi i ngā iwi katoa. Nō reira ki te ngākau hihiko koe ki te tūranga nei, engari kāore e rite ana ō wheako o mua ki ētahi wāhanga o tēnei whakaaturanga mahi, me tono tonu mai.

Kei konei te whakaahuatanga tūranga katoa hei tikiake: Kaitohutohu_Mahere_Reo_-_Language_Planning_Advisor.pdf

Te Utu ā-Tau $65,000 – $85,000

Kia whakaarohia koe mō tēnei tūranga me mana ā-ture koe ki te mahi ki Aotearoa nei.

E tonoa ai tēnei tūranga, haere ki https://tetaurawhiri.bamboohr.com/careers/39

Mō te roanga atu o ngā kōrero e pā ana ki te tūranga nei, tēnā, tuku īmēra mai ki tō mātou tīma ki [email protected]

Ka kati ngā tono ā te weherua pō, 16 o Ākuhata 2026.