Senior Digital Communications Advisor

Ko te whakarauoratanga o te reo Māori te manawa o ngā mahi a Te Taura Whiri i te Reo Māori. Ko tā mātou kaupapa matua ko te whakamana i te tūranga o te reo Māori hei reo ā-ture, ko te whakatairanga i te reo Māori hei reo kōrero o ia rā, ko te ārahi hoki i te whakatinanatanga o Te Maihi Karauna (te rautaki reo Māori a te Karauna). 

Kei te whakarite mātou i tētahi wāhi e āhei ai te Rāngai Tūmatanui, te Rāngai Tūmataiti me ngā hapori whānui ki te maimoa, ki te ako, ki te kōrero anō hoki i te reo Māori. Ko tō mātou hiahia kia whakanui, kia rekareka anō hoki te iwi whānui o Aotearoa ki te reo Māori hei wāhanga mō tō tātou tuakiri ā-motu – i ngā wāhi katoa,  i ngā ara katoa, i ngā rā katoa hoki. 

He kōrero mō ngā tūranga

E rua ngā tūranga e wātea ana i tō mātou ohu whakapāpātanga, whakatairanga anō hoki - i Te Toko Reo. Nā te mea ko rātou te reo o Te Taura Whiri, he tūranga ārahi tō te ohu i te whakatairangatanga ake o te reo Māori hei reo ora i te huhua noa o ngā pae matihiko, mā ngā taiopenga me ngā pātuinga ki te tini o ngā rōpū.

Kaitohutohu Rautaki Kōrero Matihiko Matua

Ka noho te Kaitohutohu Rautaki Kōrero Matihiko Matua hei karu, hei taringa hoki puta noa i ā mātou pae matihiko. Ka āwhina koe ki te hoahoa, ki te whakatau hoki he aha ngā ihirangi me iri i ā mātou pae tukutuku me ā mātou pae pāpori. Waihoki, mō āhea whakairia ai, me te take hoki me whakairi. Ka āta mahi tahi koe ki tō mātou Kaitohutohu Rautaki Kōrero Aporei - Pae Pāpori i ngā rautaki mō ngā kaupapa matihiko whāiti pēnei i a Ngā Tohu Reo Māori me Te Wiki o te Reo Māori. Mehemea koe e kaingākau ana ki te reo Māori, ā, ki te whakaputa i ngā ihirangi ngahau, pārekareka anō hoki, kei te hiarongo mātou i a koe.

Ki konei pānuitia ai te whakamāramatanga whānui mō te tūranga: TŪHONONGA

He kōrero mōu

I ngā tūranga e rua, anei te momo e whāia ana e mātou:

• he whai kia kairangi te kounga o āna mahi, waihoki, he whai kanohi hōmiromiro
• he pai ki a ia te auahatanga, ā, he ngākau hihiko tōna
• he noho māoriori noa ki te whakaoti i ngā whakapāpātanga kounga, tika hoki, ki ngā rā kati
• he whakawātea i a ia anō ki te mahi i tua atu i ngā haora mahi māori, ina koa rā i Te Wiki o te Reo Māori
• he whai ngākau reka ki te whai wāhi ki tētahi ohu e arotahi ana ki tētahi kaupapa hei whakatutuki mā te katoa.

Ko te painga atu kia kōrero, kia tuhi anō hoki i te reo Māori i ngā tūranga e rua - ehara i te mea me mātanga, me matatau rānei, engari he mea nui kia whai wāhi koe ki te ara reo Māori.

Tā mātou ohaoha

• He horopaki mahi haumaru ki te ako i te reo Māori
• He horopaki mahi kaupapa Māori
• He horopaki mahi e āhei ai koe ki ngā whakaritenga mahi tāwariwari

E ngākau titikaha ana mātou ki te waihanga i tētahi horopaki mahi Māori tūturu, arā he matahuhua, he kauawhi i ngā iwi katoa. Nō reira ki te ngākau hihiko koe ki te tūranga nei, engari kāore e rite ana

ō wheako o mua ki ētahi wāhanga o tēnei whakaaturanga mahi, me tono tonu mai.

Te Utu:

Kaitohutohu Rautaki Kōrero Matihiko Matua
Mai i te $87,000-$115,000 te whānui o te paparanga utu ā-tau, kei te āhua tonu o te nui o tō wheako, me Poua he Oranga, me te utu tāpui reo Māori e hāngai ana ki a Whakamātauria Tō Reo.

Kia whakaarohia koe mō tēnei tūranga me mana ā-ture koe ki te mahi ki Aotearoa nei.

Ki te tono mō te tūranga nei, tēnā, haere ki tō mātou paetukutuku:

BambooHR kia riro i a koe tētahi kape o te puka tono, te whakaaturanga mahi me ngā mōhiohio ki hea koe tuku atu ai i tō puka tono.

Mō te roanga atu o ngā kōrero e pā ana ki te tūranga nei, tēnā, tuku īmēra mai ki tō mātou ohu ki [email protected]

Ka kati ngā tono ā te weherua pō, Rāmere 19 o Pipiri 2026.

Kaitohutohu Matua Rautaki Kōrero | Communications Advisor

Ko te whakarauoratanga o te reo Māori te manawa o ngā mahi a Te Taura Whiri i te Reo Māori. Ko tā mātou kaupapa matua ko te whakamana i te tūranga o te reo Māori hei reo ā-ture, ko te whakatairanga i te reo Māori hei reo kōrero o ia rā, ko te ārahi hoki i te whakatinanatanga o Te Maihi Karauna (te rautaki reo Māori a te Karauna). 

Kei te whakarite mātou i tētahi wāhi e āhei ai te Rāngai Tūmatanui, te Rāngai Tūmataiti me ngā hapori whānui ki te maimoa, ki te ako, ki te kōrero anō hoki i te reo Māori. Ko tō mātou hiahia kia whakanui, kia rekareka anō hoki te iwi whānui o Aotearoa ki te reo Māori hei wāhanga mō tō tātou tuakiri ā-motu – i ngā wāhi katoa,  i ngā ara katoa, i ngā rā katoa hoki. 

He kōrero mō ngā tūranga

E rua ngā tūranga e wātea ana i tō mātou ohu whakapāpātanga, whakatairanga anō hoki - i Te Toko Reo. Nā te mea ko rātou te reo o Te Taura Whiri, he tūranga ārahi tō te ohu i te whakatairangatanga ake o te reo Māori hei reo ora i te huhua noa o ngā pae matihiko, mā ngā taiopenga me ngā pātuinga ki te tini o ngā rōpū.

Kaitohutohu Rautaki Kōrero

E tautoko ana te Kaitohutohu Rautaki Kōrero puta noa i Te Toko Reo ki te tuku atu i ngā whakapāpātanga ā-roto, ā-waho hoki, me ngā arapāho, ngā ihirangi matihiko, me ngā taiopenga, ahakoa ko te whakamāherehere me te tuku, ngā raraunga me ngā māramatanga, te arotake rānei - he ohu ratonga matarau mātou.

E tika ana tēnei tūranga mō tētahi kātahi anō ka tīmata i tōna aramahi whakapāpātanga, ā, kua nui noa tana wheako ki te whakatutuki i te huhua noa o ngā āheinga whakapāpātanga. Waihoki, me māoriori tāna noho ki te mahi i tētahi taiao reo Māori.

Ki konei pānuitia ai te whakamāramatanga whānui mō te tūranga: TŪHONONGA

He kōrero mōu

I ngā tūranga e rua, anei te momo e whāia ana e mātou:

• he whai kia kairangi te kounga o āna mahi, waihoki, he whai kanohi hōmiromiro
• he pai ki a ia te auahatanga, ā, he ngākau hihiko tōna
• he noho māoriori noa ki te whakaoti i ngā whakapāpātanga kounga, tika hoki, ki ngā rā kati
• he whakawātea i a ia anō ki te mahi i tua atu i ngā haora mahi māori, ina koa rā i Te Wiki o te Reo Māori
• he whai ngākau reka ki te whai wāhi ki tētahi ohu e arotahi ana ki tētahi kaupapa hei whakatutuki mā te katoa.

Ko te painga atu kia kōrero, kia tuhi anō hoki i te reo Māori i ngā tūranga e rua - ehara i te mea me mātanga, me matatau rānei, engari he mea nui kia whai wāhi koe ki te ara reo Māori.

Tā mātou ohaoha

• He horopaki mahi haumaru ki te ako i te reo Māori
• He horopaki mahi kaupapa Māori
• He horopaki mahi e āhei ai koe ki ngā whakaritenga mahi tāwariwari

E ngākau titikaha ana mātou ki te waihanga i tētahi horopaki mahi Māori tūturu, arā he matahuhua, he kauawhi i ngā iwi katoa. Nō reira ki te ngākau hihiko koe ki te tūranga nei, engari kāore e rite ana ō wheako o mua ki ētahi wāhanga o tēnei whakaaturanga mahi, me tono tonu mai.

Te Utu:

Kaitohutohu Rautaki Kōrero
Mai i te $75,000 - $95,000 te whānui o te utu ā-tau, kei te āhua tonu o te nui o tō wheako, me Poua he Oranga, me te utu tāpui reo Māori e hāngai ana ki a Whakamātauria Tō Reo.

Kia whakaarohia koe mō tēnei tūranga me mana ā-ture koe ki te mahi ki Aotearoa nei.

Ki te tono mō te tūranga nei, tēnā, haere ki tō mātou paetukutuku:

BambooHR kia riro i a koe tētahi kape o te puka tono, te whakaaturanga mahi me ngā mōhiohio ki hea koe tuku atu ai i tō puka tono.

Mō te roanga atu o ngā kōrero e pā ana ki te tūranga nei, tēnā, tuku īmēra mai ki tō mātou ohu ki [email protected]

Ka kati ngā tono ā te weherua pō, Rāmere 21 o Pipiri 2026.