Ō mātou waitohu

Te Waitohu Ake ake ake te reo Māori

‘Mutunga kore, kāore he mutunga’ te tikanga o te kīanga ‘ake, ake, ake’. E whakaatu ana tēnei i te manawa piharau o tō tātou reo me te kaha o tō tātou reo me ōna kaikōrero ki te urutau ki ō rātou tūāhua me te ū tonu o ngā hapori huri noa i Aotearoa ki te reo.

E whakaatu ana tā mātou waitohu i tētahi whakamāori ā-mohoa nei o te Hei Tiki. E whakaata ana te porowhita e karapoti ana i te Hei Tiki i ngā tae me ngā āhuatanga o te niho taniwha i whakamahia i ngā tukutuku, me ngā tāniko, me ngā whakairo; he tohu ia o te pakari, o te manawaroa, o te rangatiratanga anō hoki.

E whakaaetia ana te whakamahi i te waitohu nei mō ngā mahi arumoni-kore anake. Tēnā pānuitia ngā Aratohu Waitohu me ngā Tikanga Whakamahi i mua i tō nanao mai i ngā waitohu nei.

Download png files (best for digital use)
Download vector files (best for print)

Te waitohu o Tāone Reo Māori / Te Reo Towns

Ko tā te aronga o te tau nei, ko tā Tāone Reo Māori, he whakamānawa i ngā hapori nā rātou i ora ai te reo Māori, ā, he pōhiri i a Ngāi Aotearoa whānui ki te āwhina kia tōnui ai ia ki te anamata rā anō. E pōhiri ana a Te Taura Whiri i te Reo Māori me Te Mātāwai i ngā tāone puta noa i te motu ki te mairanga i te reo Māori kia rangona ai, kia kitea ai, kia ora ai hoki i Te Wiki, ā, ā tua atu. Ko tā te waitohu he whakaata i ngā tohu rori me te whakauru i te hoahoanga Niho Taniwha, pēnei i te waitohu o Ake Ake Ake. Ka ara ake tō mātou waitohu i ngā momo e rua: Te Reo Towns (te reo Ingarihi), me Tāone Reo Māori (te reo Māori). Mā ngā huinga tae e tohu te rerekē. E wātea ana tēnei waitohu mō ngā take arumoni-kore anake. Tēnā, pānuitia ā mātou Aratohu Waitohu me Ngā Here Whakamahi i mua i te whakamahi i tō mātou waitohu.

E whakaaetia ana te whakamahi i te waitohu nei mō ngā mahi arumoni-kore anake. Tēnā pānuitia ngā Aratohu Waitohu me ngā Tikanga Whakamahi i mua i tō nanao mai i ngā waitohu nei.

Download png files

Te waitohu Kia kaha te reo Māori

Ko te waitohu mō tēnei, he whakapuakitanga o ēnei rā o te heitiki – tērā tohu o te kaha, o te hautū, o te rauhī, o te whakahīhī o tēnei motu – hui katoa, ko te Aotearoatanga pea tēnei. Kei te arero whētero ngā āhuatanga matua o te whakarauora: te mana, te mārama, te ako, te kōrero me te tahua reo.

Ko ngā tae o te arero, ko ērā o ngā rākau karakara a Te Ataarangi, e mōhiotia nei e ngā whakatupuranga maha – tamariki kura mai, pakeke mai.

E whakaaetia ana te whakamahi i te waitohu nei mō ngā mahi arumoni-kore anake. Tēnā pānuitia ngā Aratohu Waitohu me ngā Tikanga Whakamahi i mua i tō nanao mai i ngā waitohu nei.

Download png files (best for digital use)
Download vector files (best for print)

Te waitohu huritau 50 o Te Wiki o te Reo Māori

E tohu ana tēnei tau i te 50 tau o Te Wiki o te Reo Māori. He ekenga whakahirahira tēnei e whakamānawa ana i te rima tekau tau o te tohenga, tupu, manawanui hoki ki te whakarite ka noho tonu te reo Māori hei reo mauriora o ia rā ki Aotearoa. E whakaatu ana tēnei waitohu i tētahi whakamāoringa hōu o te Heitiki me te whanaketanga o te waitohu ‘Ake Ake Ake – Mō Ake Tonu te Reo’ i whakaputaina ai i Te Wiki 2024. Ko ngā tae i roto i te tau 50 e whakaata ana i ngā tae o te waitohu Heitiki taketake, ā, e whakaaturia ana te tauira niho taniwha e whakamahia ana i ngā tukutuku, tāniko me ngā whakairo; he tohu o te kaha, o te manawaroa, me te hautūtanga hoki.

E whakaaetia ana te whakamahi i te waitohu nei mō ngā mahi arumoni-kore anake. Tēnā pānuitia ngā Aratohu Waitohu me ngā Tikanga Whakamahi i mua i tō nanao mai i ngā waitohu nei.

Download png files

Te waitohu o Te Taura Whiri i te Reo Māori

I poua te ingoa nei, Te Taura Whiri i te Reo Māori, e te toihau tuatahi, e Tā Kīngi Īhaka. Mārama ana te tikanga – ko te taura e whiri ana, e paihere ana i te reo Māori. Ki tā te koroua nei, ko te reo te taura e whiri ana i a tātou katoa. He taura e whiria ana e tēnā iwi, e tēnā tangata kia torokaha. Ā, ko te waitohu, ko te taura kāore anō kia oti te whiri, nā tētahi atu o ngā kaiwhiri tuatahi, nā Kairangi Kāterina Te Heikōkō Mataira.

Ina whakamahia te tohu nei, ko tō whakaaetanga tēnā ka ū mārika koe ki ngā Aratohu Waitohu me Ngā Tikanga Whakamahi.

Download png files (best for digital use)
Download vector files (best for print)