Ō mātou waitohu

Te waitohu Kia kaha te reo Māori

Ko te waitohu mō tēnei, he whakapuakitanga o ēnei rā o te heitiki – tērā tohu o te kaha, o te hautū, o te rauhī, o te whakahīhī o tēnei motu – hui katoa, ko te Aotearoatanga pea tēnei. Kei te arero whētero ngā āhuatanga matua o te whakarauora: te mana, te mārama, te ako, te kōrero me te tahua reo. 

Ko ngā tae o te arero, ko ērā o ngā rākau karakara a Te Ataarangi, e mōhiotia nei e ngā whakatupuranga maha – tamariki kura mai, pakeke mai.

 


E whakaaetia ana te whakamahi i te waitohu nei mō ngā mahi arumoni-kore anake. Tēnā pānuitia ngā Aratohu Waitohu me ngā Tikanga Whakamahi i mua i tō nanao mai i ngā waitohu nei.

Download png files (best for digital use)
Download vector files (best for print)


Te waitohu o Te Taura Whiri i te Reo Māori

I poua te ingoa nei, Te Taura Whiri i te Reo Māori, e te toihau tuatahi, e Tā Kīngi Īhaka. Mārama ana te tikanga – ko te taura e whiri ana, e paihere ana i te reo Māori. Ki tā te koroua nei, ko te reo te taura e whiri ana i a tātou katoa. He taura e whiria ana e tēnā iwi, e tēnā tangata kia torokaha. Ā, ko te waitohu, ko te taura kāore anō kia oti te whiri, nā tētahi atu o ngā kaiwhiri tuatahi, nā Kairangi Kāterina Te Heikōkō Mataira. 

 


Ina whakamahia te tohu nei, ko tō whakaaetanga tēnā ka ū mārika koe ki ngā Aratohu Waitohu me Ngā Tikanga Whakamahi.

Download png files (best for digital use)
Download vector files (best for print)