Tukua ki te Ao
Kei te tūhura tēnei mātai whakawhiti-rāngai i te whakamahinga o te reo Māori i ngā momo whakahaere e toru (arā, i ngā kaunihera ā-rohe, i ngā kura tuarua me ngā umanga) ko tōna whāinga he whakaputa, he takoha hoki i ngā mātauranga hou ki te ‘whakahāngaitanga’ (arā, te kōrerotanga ia rā, ia rā) o te reo Māori puta noa i te iwi whānui tonu o Aotearoa.
I tautuhia e iwa ngā whakahaere kaha te whakapeto ngoi, te tahuritanga mai hoki ki te whakahāngaitanga o te reo Māori i roto i ō rātou rāngai ake, ā, ka tonoa hoki rātou kia whai wāhi mai ki tēnei kaupapa.
I whakamahia e tēnei rangahau he āhuatanga huinga whakaaro Kaupapa Māori, tikanga Kaupapa Māori tae atu hoki ki te whakamahinga o ngā pūrākau, o ngā wānanga anō hei huarahi rangahau.
