Me pēhea au e tū ai hei kaiwhakawhiti reo ā-tuhi, ā-waha rānei?

Ngā Kauwhaurangi

I tēnei tau, ka tautokona te Toi Reo Māori ki ngā kauhau ā-ipurangi e whā, ka riro mā ētahi mātanga kaiwhakamāori e kōrero ngā āhuatanga o te mahi whakamāori.

E mana ai tō uru mai ki tēnei kaupapa me mātua tae atu koe ki ngā kauhau ā-ipurangi e rua ka whakahaerehia. Anei ngā rā:

Hui tuatahi - Tūrei, 24 o Pēpuere
Hui tuarua - Tūrei, 3 o Māehe
Hui tuatoru - Tūrei, 10 o Māehe
Hui tuawhā - Tūrei, 17 o Māehe

 

He whakamātautau whakauru tōmua

He whakamātautau poto te whakamātautau whakauru tōmua hei āwhina i a mātou ki te aromatawai mehemea kei te taumata tika koe mō te whakamātautau whakamutunga ka tū ki Te Whanganui-a-Tara.

 

Te whakamātautau whakamutunga mō Toi Reo Māori

He whakamātautau ā-kanohi tēnei whakamātautau whakamutunga e whakahaerengia ana ki Te Taura Whiri i te Reo Māori i Te Whanganui-a-Tara. E 3 hāora te roa mō te whakamātautau ā-tuhi. Mō te hunga e mahi ana i te whakamātautau ā-waha, tōna kotahi hāora te roa o te whakamātautau

Kia mahara: Ka tū mai te whakamātautau mō te tau 2026 ā te Paengawhāwhā. Tēnā, rēhita mai mō te roanga atu o ngā pārongo.