Whakanuia te toru ngahurutanga o Te Taura Whiri i te Reo Māori

26 July 2017
Te Poari o Te Taura Whiri i te Reo Māori (1987) Tākuta Ray Harlow, Ahorangi Tīmoti Kāretu, Tā Kingi Matutaera Īhaka, Hon Koro Wetere, Kāterina Te Heikōkō, Mataira, Ānita Moke. Māori Language Commission with Koro Wetere. Dominion post (Newspaper): Photographic negatives and prints of the Evening Post and Dominion newspapers. Ref: EP/1987/4271/18-F. Alexander Turnbull Library, Wellington, New Zealand. /records/23180948

Ā te 1 o Hereturikōkā ka eke ki te 30 tau mai i te whakatūnga o Te Taura Whiri i te Reo Māori i runga i Te Ture Reo Māori 1987.

Ko te kaupapa o Te Taura Whiri i te Reo Māori he whakamana i te reo Māori hei reo mana ā-ture, he whakatairanga he rangahau hoki i te reo Māori, he ārahi hoki i te whakatinanatanga o te rautaki reo Māori hou a te Kāwanatanga.

Nā te hurihanga o te ture i tērā tau kua huri hoki te aro o Te Taura Whiri i te Reo Māori ki ngā mahi a te Karauna hei tautoko i te whakarauoratanga o te reo Māori. He rōpū hou kē ināianei ko Te Mātāwai e aronui ai ki te iwi, te hapū, me te whakarauoratanga ā-hapori.

“E toru tekau tau ki muri kāore anō he reo irirangi Māori he whakaata Māori rānei, ko te Kōhanga Reo tonu he pito mata; kāore anō he akoranga ā-reo Māori, kāore anō he wānanga, ka mutu he iti noa iho kē te ako reo Māori i roto i ngā kura,” e ai ki a Ngāhiwi Apanui te Tumuaki o Te Taura Whiri i te Reo Māori.

“He pūrongo hou i tēnei marama e whakaatu ana kei te tuku iho anō te reo Māori ki ngā whakatupuranga mō te wā tuatahi rawa mai i te ngahuru tau 1970.

“Katoa tēnei i hua mai i ngā mahi a ngā Minita, a ngā tari kāwanatanga, tae rawa ki te iwi Māori, ki ngā whānau, ngā hapū, ngā iwi anō hoki.

“Ko te mahi a Te Taura Whiri i te Reo Māori i roto i te 30 tau kua huri, he ū tonu ki te tautoko i te reo Māori hei reo ora anō mō Aotearoa katoa. Kāore e wareware ngā koha mai a te hunga kaiārahi kua riro ki te pō tae noa ki te hunga e poipoi tonu nei i te reo.”

“Tērā anō hoki ngā whakaaetanga maha a ngā Minita me ngā tari kāwanatanga ki ngā whakataunga a te Te Rōpū Whakamana i te Tiriti o Waitangi otirā ngā hiahia o te iwi Māori. Hei tuatahitanga hoki te ture hou nei mō te ao katoa, e whakaae ake ana te Karauna i hē, i hara hoki i mua, me tana whakaae iho anō ki te mahi tahi kē ki te iwi Māori ā muri iho nei ki te tautoko kē i te reo Māori.

 


Te Poari o Te Taura Whiri i te Reo Māori (2017) Charisma Rangipunga (Toihau Tuarua), Wayne Panapa, Tākuta Wayne Ngata (Toihau), Charlie Tepana, Hinerangi Edwards.

 

“Ka nui tonu ngā rā o te reo Māori. Ko tā mātou mahi mō te Karauna he mahi tahi ki te Māori kia eke ai te reo Māori ki ngā taumata tika e taea ai e ngā tāngata katoa o Aotearoa, mō ake tonu. Hei tīmatanga noa iho ēnei tau tuatahi e toru tekau nei.”

Putunga rongo hou

Ko Te Māharahara o te Toihau o te Taura Whiri i Te Reo Māori ki te Poronga Pūtea ki te kaupapa Te Ahu o Te Reo

E tino māharahara ana a Te Taura Whiri i te Reo Māori ki ngā pānui o te wā a te Kāwanatanga e pā ana ki te poronga pūtea mō Te Ahu o Te Reo, he kaupapa i whakatūturutia ki te tautoko i te whakarauora, me te whakaako hoki i te reo Māori.

September 2024

E whakanui ana Te Taura Whiri i te Reo Māori i te toa o Te Toihau ki Ngā Tohu Wāhine Mana Whakahaere 2024

E hihiko ana Te Taura Whiri i te Reo Māori ki te pānui atu kua riro i tōna Toihau, a Ahorangi Rāwinia Higgins (Ngāi Tūhoe), te tohu whakahirahira mō te Wahine Mana Whakahaere Māori 2024 i te wāhanga mana whakahaere Māori.

September 2024

Ūmerehia a tātou Toa Taumāhekeheke i te reo Māori: He rauemi reo hou kua rewa mō Ngā Taumāhekeheke

I tēnei rangi e kawea ana te reo Māori kia tae rawa ki Parī, hei tuatahitanga ka rewa he rauemi hākina reorua mō ngā hākina Taumāhekeheke. 

July 2024

Ngā Tohu Reo Māori: Kua tukuna ngā tohu oranga angitu ki ngā wāhine rangatira tokotoru

I riro i tētahi kaikōkiri i ngā take hauora Māori, i tētahi ika a Whiro i te ao pāpāho, me tētahi toka tū moana o te Kōhanga reo, te tohu nui whakaharahara katoa o te pō whakanui i Ngā Tohu Reo Māori.

April 2024

Kua mana ngā rā o Te Wiki o te Reo Māori 2024

Ā te 14 atu ki te 21 o Hepetema 2024 ka tū Te Wiki o te Reo Māori.

April 2024

Kua hoki mai Ngā Tohu Reo Māori

He taiopenga ā-tau Ngā Tohu Reo Māori e whakanui ana i ngā haumāuiui a tētahi tangata, a tētahi whakahaere hoki, kua nui nei te whakapau kaha mō te whakarauora, mō te whakamāori hoki i te reo Māori te take. 

October 2023

Takuate ana a Te Taura Whiri i te Reo Māori mō te Toihau o mua, mō Tākuta Hohepa

He maimai aroha ki a Tā Patrick Patu Wahanga Hohepa KNZM (1936 - 2023). E taka ana a roto i te pā mai o te rongo kua riro tētahi o ngā tino pou o te reo Māori, me tētahi o ngā toihau o mua o tēnei tari. Ka nui te aroha ki te whānau o Tā Patu Hohepa (Ngāpuhi, Te Māhurehure me T...

September 2023

Kua 36 tau te reo māori e noho ana hei reo ā-ture

Ko te mahi tuatahi a te poari tuatahi o Te Komihana mō te Reo Māori i tā rātou hui tuatahi he panoni i tōna ingoa ki tētahi ingoa Māori: ki Te Taura Whiri i te Reo Māori.

August 2023

HE WHAKAARO: taku māharahara tēnā i taku tū hei "toa".

Kei te takiwā o te 3000 ngā reo taketake kei te pari o te rua o Mate. Ka tuhia e Rawinia Higgins, te Toihau o Te Taura Whiri i te Reo Māori, tētahi tuhinga whakaaro mō te tawhiti o tā tātau haere ki te whakahaumaru i te reo, ā, he roa tonu a raro.

February 2023

He kōrero atu anō Putunga rongo hou | News