Hei Reo mō Ia Rā

Mā te noho hei reo mō ia rā ka tau rawa te reo Māori ki ngā mahi o ia rā i Aotearoa. He whakaatu hoki ki te hunga kōrero i te reo Māori he taonga tino hirahira e tautokotia ana i tua atu i ō rātou hapori kōrero reo pēnei i te Kōhanga Reo, te kura kaupapa tae atu ki te marae. Kei te taunoa o te reo hei reo mō ia rā he āheitanga nunui e rato ai te reo Māori kia angitu. Ko tāna mahi he āki kia whakamahia nui ake te reo, he waihanga hoki i te taiao whakapakari i te reo Māori, te reo taketake o Aotearoa.

Te Whakamahere Reo

Kāore te reo mō ia rā e puta noa ake; me āta mahere rawa. Ko te mahi a te mahere he whakatakoto he aha ngā mahi, pēhea ai te whakatutuki, āhea te mahi, ko wai hoki hei whakatutuki. E rima ngā huānga hei whakaaro ki te whakamahere i te whakarauoratanga o te reo, i te noho rānei o te reo hei reo mō ia rā:

Mana logo
Mana

Pēhea ai te whakaoho i te tangata kia maimoatia te reo

Whakamahi logo
Whakamahi

Me pēhea te whakamahi i te tangata ki te pānui, te tuhi, te kōrero, ki te mahi kia mārama ki te reo Māori i ngā wāhi huhua ki ngā āhuatanga katoa o te wā?

Mārama pū logo
Mārama pū

He aha he mahi mā tātou kia noho mārama ai te tangata he reo tata korehāhā te reo Māori, he aha hoki he mahi mā rātou ki te whakarauora i te reo?

Puna logo
Puna

Me wātea ko ngā kupu tika me ngā here whakamahi mō ngā āhuatanga katoa

Ako logo
Ako

He aha ngā rautaki whakapoapoa tāngata ki te ako i te reo?

Tīmatahia tō mahere

Ka āhua 6 marama ki te kotahi tau ka pau ki te waihanga mahere mō tō whakahaere.

Ka pau te 4-6 wiki mō tēnei wāhanga. Ka mahi koe kāore e roa ka mārama koe he aha ngā taputapu kei ō ringa, he aha ngā āheitanga kei a koe, he aha hoki ngā rauemi e wātea ana ki a koe. Nā mātou i waihanga tētahi taputapu aromatawai whaiaro poto hei tīmatanga mōu.

Ka pau te 6-8 wiki tēnei wāhanga te whakaoti. Māu e whakatakoto whāinga, ka tohu kei a wai ngā haepapa, ka tautuhi i ngā angawā, ka tohatoha rauemi, ka tautuhi i ngā waitohu tutukinga e mahitia ana me ngā tūmahi kua oti. Mēnā ka whakapono te marea ki a koe ko te angitu te whiwhinga. Me mātua whiriwhiri kōrero ki ō kaimahi i mua i te kawe i tō mahere ki ō rangatira hei whakamana. Kua waihangatia e mātou tētahi atu taputapu hei hāpai i a koe ki te waihanga i tō mahere tuatahi.

Kua tae koe ki te wā ki te whakamahi, ki te whakatinana i ngā whāinga! Me whakawātea te 9-12 marama mō tēnei wāhanga. Kia maumahara kia kaha ki te whakamānawa i te tangata me whakanui hoki i te angitu - ahakoa he iti, he pounamu. Me arotuki hoki te kauneke whakamua ka tohatoha hoki i ō akoranga.

Me whakawātea 6-8 ngā wiki mō te arotake me te whakahauora i tō mahere. I tutuki i a koe ō whāinga? I tutuki ngā angawā? He aha ngā mahi i tutuki pai? He aha ngā mea kāore i tutuki? I whakaaweawe anō tō mahere?

Ka pau te 4-6 wiki mō tēnei wāhanga. Ka mahi koe kāore e roa ka mārama koe he aha ngā taputapu kei ō ringa, he aha ngā āheitanga kei a koe, he aha hoki ngā rauemi e wātea ana ki a koe. Nā mātou i waihanga tētahi taputapu aromatawai whaiaro poto hei tīmatanga mōu.

Ka pau te 6-8 wiki tēnei wāhanga te whakaoti. Māu e whakatakoto whāinga, ka tohu kei a wai ngā haepapa, ka tautuhi i ngā angawā, ka tohatoha rauemi, ka tautuhi i ngā waitohu tutukinga e mahitia ana me ngā tūmahi kua oti. Mēnā ka whakapono te marea ki a koe ko te angitu te whiwhinga. Me mātua whiriwhiri kōrero ki ō kaimahi i mua i te kawe i tō mahere ki ō rangatira hei whakamana. Kua waihangatia e mātou tētahi atu taputapu hei hāpai i a koe ki te waihanga i tō mahere tuatahi.

Kua tae koe ki te wā ki te whakamahi, ki te whakatinana i ngā whāinga! Me whakawātea te 9-12 marama mō tēnei wāhanga. Kia maumahara kia kaha ki te whakamānawa i te tangata me whakanui hoki i te angitu - ahakoa he iti, he pounamu. Me arotuki hoki te kauneke whakamua ka tohatoha hoki i ō akoranga.

Me whakawātea 6-8 ngā wiki mō te arotake me te whakahauora i tō mahere. I tutuki i a koe ō whāinga? I tutuki ngā angawā? He aha ngā mahi i tutuki pai? He aha ngā mea kāore i tutuki? I whakaaweawe anō tō mahere?

Ngā taiopenga hapori

Loading...

E tū mai ana tētahi wānanga mō te reo Māori, he hui whakanui rānei, he hui taumata, he hākari, he taiopenga rānei?

Tukuna mai ngā taipitopito hei pānui mā te hapori waihanga mahere reo.

Te Rēhita kaiwhakamāori

Ki konei kōwhiri ai i tētahi kaiwhakamāori kua oti i a mātou te whakamana

Haere

Rauemi reo Māori

Kua huihuia ngā akoranga reo Māori ki tā mātou pae tukutuku www.reomaori.co.nz

Haere