Kua timu te tai ki a Uhi Tai 2026!

Katahi te hui  whai hua o Uhi Tai 2026 i te kounga o ngā kaikōrero, ngā pakihi pēnei i a Pic’s Pīnati Pata, Pulse Netball, Google, me te nui noa atu, ngā kaupapa whakahihiko whakairo, me te kī hoki o te whare i te hunga e aronui ana ki te reo Māori it e ao pakihi me te whai wāhitanga o te katoa ki tōna āpōpō.

"It's what separates us from the rest of the world, and I think it's a real taonga that needs to be cherished. I'm very proud to do whatever we can to help it" (Pic Picot – Te Ao Māori News)

"It's not just language, it's everything that goes with it... Our whole organisation is better and stronger and more connected, values-based, because we started the journey with te reo Māori." (Ann Hay – Te Ao Māori News)

Me mihi anō ngā kaitaunaki o te hui, a Kiwibank, a Rangiata Sky me Te Puni Kōkiri, ngā kaikōrero, ngā kiritaki, me ngā te hunga katoa i whai wāhi mai ki te angitutanga o tā tatou hui i tēnei tau.

Ko te tūmanako i pai tō noho ki te hui, heoi anō, mehemea i mahue koe i te waka, kei pāpouri, tāria tana hokinga mai hei te 2028.

Uhi tai ana koa!

Uhi Tai, he hui i whakatūhia i te tau 2023 e Te Taura Whiri i te Reo Māori ki te whakawai i ngā wāhi mahi, ngā pakihi, me te hunga hīkaka ki te reo ki te eke ki ngā ngaru o te reo me te tuari i ō rātou wheako i runga i te huarahi kia māori anō te noho o te reo Māori, me te kohikohi hoki i ētahi ngaringari akiaki kia pai ai tā rātou whai i taua ara hei oranga mō ō rātou ake wāhi mahi. ​

Ko te whakamāramatanga o te Uhi Tai ko te paringa o te tai e kore nei e karohia, he kōrero kua whakahāngaihia ki te tai āniwhaniwha o te reo Māori me tōna whai wāhi mai ki tō tatou tuakiri-a-motu. ​

Ahakoa i whakatūhia te hui nei i runga i te aronui ki te rāngai tūmatawhānui, i mārama te kite me whānui kē atu te aro o te kaupapa, nā reira i puta te whakatau kia whai wāhi mai a te rāngai tūmataiti, ngā pakihi, me ngā wāhi mahi ka whai hua pea i te kaupapa, ā nā reira ka whānau mai ko Uhi Tai: Te Reo Māori in Business.

Te kaupapa kua pae mai ki uta

Ko te kaupapa matua o Uhi Tai 2026 - "Ihu ki te kei, we all have a part to play". He mea tango mai te kaupapa nei i te whakataukī Māori "Ihu ki te kei", e kōrero ana mō te ihu me te kei, te whiore rānei o te waka. Ko te iho o te kōrero nei e hāngai ana ki te whakaaro e kī ana e whai wāhi ana te waka mō te katoa, e whai tūranga ana hoki ia tangata ki te whakawhanake i te kaupapa. ​