Ngā Tikanga Whakamahi i ngā Waitohu

Te Whakamahi i ngā Waitohu

Mā tō whakaae mai ki ēnei Tikanga Whakamahi, kua āhei koe te toro, te kapo anō hoki i ngā Waitohu kei te pae tukutuku nei (www.tetaurawhiri.govt.nz). Ka tukua atu ki a koe he raihana kaupare-kore, whiti-kore, tiringa kore, e mana ana huri i te ao, ki te whakamahi i ngā Waitohu i runga anō i ēnei Tikanga. Hei āpiti atu, e whakaae ana koe:  

• kāore ō whanonga e heke ai tō mātou mana, e takahia ai tō mātou ingoa, ō mātou Waitohu rānei
• kāore e whakamahia ō mātou Waitohu mō tētahi kaupapa arumoni, hāunga ngā wā kua āta tukua e mātou he raihana arumoni ki a koe mō taua kaupapa
• ka ū mārire koe ki:
  • ā mātou aratohu mō te whakamahi i ngā Waitohu, he mea whakahou i ōna wā anō ("Ngā Aratohu mō ngā Waitohu")
  • ōna anō tohutohu whaitake tērā e tukua atu ā-tuhi nei e mātou ki a koe 
• kāore e panonitia, e rawekehia ō mātou Waitohu, atu i ngā panonitanga e whakaaetia ana i ngā Aratohu mō ngā Waitohu 
• ki te tuku tauira mai o tō whakamahinga i ngā Waitohu ina tonoa, ā, ki te tohua e mātou he mea hei whakarerekē māu, ka āta mahia e koe aua whakarerekētanga
• ka ū koe ki ngā ture katoa e hāngai ana mō te wāhi ki tō whakamahi i ngā Waitohu.

E whakaae ana anō hoki koe kāore ō mōtika, ō rangatiratanga, ō whai pānga rānei ki tēnei Pae Tukutuku, ki ngā Waitohu rānei, atu i tērā kua āta tautuhia i roto i ēnei Tikanga Whakamahi. Anei ngā Aratohu mō ngā Waitohu hei āta pānui māu. Me he āwhina anō e hiahiatia ana mō te āhua ki tō hāpai i ngā Aratohu Waitohu, tēnā whakapā mai ki: [email protected].

Katoa ngā hua araara ka puta ake i tō whakamahi i ō mātou Waitohu, ki a mātou kē ngā painga.

Kāore he Pūtāhui 

E whakaae ana koe kāore he pūtāhui i runga i ngā Waitohu ka tae atu ki a koe. Kāore ā mātou kupu taurangi mō te houtupu, te kore rānei e takahia o te mōtika kiritoru mō te wāhi ki te mana whakairo hinengaro.  

Te Whakatārewa i tō Pūkete

Kei a mātou te tikanga ina hiahia mātou ki te whakatārewa, ki te whakakore rānei i tō whai wāhitanga mai ki te Pae Tukutuku nei, ki ētahi wāhanga rānei ōna, tae atu ki te ara ki ngā Waitohu. Ka mutu, ehara i te mea me whakamōhio atu mātou e pērāhia ana. Kāore hoki mātou e whakahaua e te ture kia utu paremata ki a koe ki te raru koe i taua whakatārewatanga, whakakorehanga rānei.

Te Whakakore i te Raihana 

Kei a mātou te mana ki te whakakore i te raihana ka tukua ki a koe i runga i ēnei Tikanga, ā te wā e hiahia ai mātou, mā te tuhi kōrero whakamōhio atu. Kei te whakakorehanga o te raihana, e whakaae ana koe:

• ka mutu inamata tō whakamahi i ngā Waitohu katoa 
• ka mukua ngā kōnae matihiko katoa o ngā Waitohu kei a koe e mau ana, me te whakakore atu, te whakahoki mai rānei i ngā rawa katoa kua tāia atu rā ngā Waitohu ki runga, ina tono mātou kia pērā koe. 

He mea whakahou te whārangi nei i te: Māehe 2022