He maimai aroha mō Anaru Robb

He maimai aroha nō Te Taura Whiri i te Reo Māori ki te toa reo Māori nei a Anaru Robb kua hinga i tēnei wiki. 

“Ka uru a Anaru ki te pakanga mō te reo Māori i tana tau tuatahi ki te whare wānanga e 50 tau ki muri, ā, mate noa ai ia,” e ai ki te Tumu Whakahaere o Te Taura Whiri i te Reo Māori, a Ngahiwi Apanui. 

“E ngia ana he rerenga kētanga, koirā ko te tangata Pākehā tino hūmarie, ka āhei anō hoki ki te takatū mō te reo Māori. Ahakoa he matatau ki te reo, e kore rawa ia e whakamahi i te reo hei patu kē i te tangata.” 

“Ka mahue nei i a Anaru ōna tapuae whawhai mō te tika me te tino rangatiratanga ake ake. Ahakoa ko tāna he whakamārama rānei ki te hunga Pākehā i te pā kinotanga o te ngaro o te reo ki te ao Māori, koia rānei e whakataki ana i te hunga tōrangapū ki te whakautu i ana pātai uaua, hei hoa kaupapa hei hoa tūturu hoki ia ka kino nei te ngākau i tōna rironga.” 

“He mema tuatahi ia nō te rōpū Ngā Kaiwhakapūmau i te Reo Māori, nāna nei i kōkiri te kerēme Reo Māori Wai 11 ki te Taraipiunara o Waitangi, nā Anaru tonu i āwhina ki te para i te huarahi whakarauora o te reo Māori mō Aotearoa mō te kāinga o te reo Māori. He kairipoata reo rua ia i mahi ā-reo irirangi, ā-tuhituhi anō hoki, he kaikōrero hoki e kore nei e mahue i a ia ngā kōrero mō te pakanga mō te reo Māori, hei taonga mō ngā uri whakatupu o Aotearoa.”