He tātari i te mākete o ngā kaiwhakamāori ā-tuhi, ā-waha i te reo Māori
Ka tuku tēnei pūrongo i te tātaritanga hōhonu i te mākete o te rāngaimahi o ngā kaiwhakamāori ā-tuhi, ā-waha hoki (T&I) hei ārahi i Te Taura Whiri i te Reo Māori (TTWh) ki te whakamahere i te tipuranga o te tiwhiketetanga hei te tekau tau e tū mai nei. Ka noho i te taha o tētahi tauira ka tautohu i te popono o te wā nei me te popono matapae, kua tīaroarotia ki te Māori me ngā ia hangapori ā-motu, tae atu ki ngā whāinga whiwhita a te Maihi Karauna ki te whakarauora i te reo.
Ka whakaaro houtia e tēnei pūrongo ēnei wero hei arawātea kē mā TTWh ki te hautū i te waka mā te whakatau i ngā paerewa tiwhiketetanga pakari, te kōkiri i te utu tautika, te whakatītike i te whakamanatanga rāngaimahi, me te kōkiri i ngā kaupapa rautaki mahi ngātahi.
