Mehemea e kaha kē ana te tautoko mō te reo Māori, he aha i haumitia atu ai he rauemi anō ki tēnei rautaki?

He tūāpapa hirahira te tautoko a te marea, engari i tōna kotahi, kāore e pūmau ana te pikinga o te whakamahinga o te reo Māori. Ko te tūāoma ka whai ake ko te huri i taua tautoko hei mahi - kia nui ake ngā tāngata e ako ana, e kōrero ana, e whakamahi ana anō hoki i te reo Māori i ia rā. Waiwai ana tēnei ki te whakatutuki me te whakapūmau i te whāmāoritanga mō ngā reanga o āpōpō. 

I raro i Te Ture mō Te Reo Māori 2016, me mātua whakatakoto te Karauna i tētahi rautaki mō te whakarauora i te reo Māori. Ko tā te Maihi Karauna he whakaū i te whakaeatanga o ngā herenga ā-ture. Koinei hoki tētahi o ngā ara e kapi ai i te Karauna ōna haepapa ki te reo Māori hei taonga, i raro i Te Tiriti o Waitangi.