He Aromātai i Ngā Tohu Reo Māori 2025
He mea huataki tētahi aromātainga o Ngā Tohu Reo Māori (arā, Ngā Tohu), e Te Taura Whiri i te Reo Māori (arā, Te Taura Whiri) i 2025. Ko te koronga whānui o te aromātainga ko te whakatau he aha ngā āhuatanga pai i roto i ngā whakamahere me te tukunga o te taiopenga, me te tohu hoki i ētahi wāhanga hei whakapai ake i ngā taiopenga o anamata.
Ko tā tēnei pūrongo he tuku i tētahi tirohanga whānui ki ngā kitenga aromātai me ngā tūtohu matua hei whakaaro ake mā Te Taura Whiri. Hei āpiti ake, ka whakarārangi te pūrongo i ngā wheako i te taiopenga, me ngā mātauranga i horahia e ngā kaiwhiwhi tohu, e tētahi kaiwhakawā, e ngā kaitautāwhi, e te hunga i tae atu, otirā e ngā kaimahi o Te Taura Whiri i tautoko rā i te taiopenga i 2025.
