He huihuinga ā-tau a Ngā Tohu Reo Māori ki te whakanui i ngā whakatutukitanga o ngā tāngata e whai wāhi nui ana ki te taunoatanga me te whakarauoratanga o te reo Māori.

Ko te pūtake o Ngā Tohu Reo Māori he whakatairanga i te tūnga o te reo Māori me te whakanui i te hunga e whakatinana ana i te moemoeā, i ngā hapori, i te rāngai tūmataiti, i te ao mātauranga, ā puta noa i te motu hoki - kia mauriora te reo.

 

Ngā Tohu Reo Māori 2026

I tēnei tau ka tū te kaupapa o Ngā Tohu Reo Māori ki Te Whanganui-a-Tara hei te pō o te 29 o Whiringa-ā-nuku 2026.

 

Kua tuwhera ngā tautapanga

E tuwhera ana ngā tautapanga atu i Te Taura Whiri i te Reo Māori tae noa ki te 1:59pm Rātapu 24 o Haratua 2026.

Konei!

 

Ko ngā mahi e tautapahia ana e koe, me oti, me whakahaere rānei te nuinga, atu i te 1 o Haratua 2025 ki te 1 o Haratua 2026. Mō ngā wāhanga katoa, ka āhei koe ki te tautapa i tētahi tangata, he rōpū, he kaupapa, he tōpūtanga rānei. Katoa ngā tautapanga me tuku mā Award Force, te pūmanawa ka whakamahia e mātou ki te whakahaere i ngā tautapanga me ngā whiriwhiringa.