Te Whakarato i te reo Māori ki te Rāngai Tūmatanui, Te pūrongo aromātai whakamutunga
Ko Te Whakarato i te reo Māori ki te Rāngai Tūmatanui he kaupapa hukihuki i whakawhanakehia ai hei whakatutuki pū i ngā whāinga o te Maihi Karauna, mā te mahi tahi ki ngā pātuitanga o te rāngai tūmatanui ki te whakatū i te hanganga e whakapuaki ai i te reo Māori ki te ratonga tūmatanui. Inarā, i hāngai pū te kaupapa hukihuki nei ki ngā kaimahi kāwanatanga e noho reo Māori kore ana, he iti noa rānei te reo Māori. I whakapuakihia te hōtaka nei mā te ipurangi (e rua hāora te roa o ia akoranga i tū ai i ngā wā e rua o ia wiki, mō ngā wiki e waru). Nā Tātai Aho Rau te hōtaka i whakawhanake, ka mutu, nā rātou hoki i whakapuaki ki ngā tauira 77 i noho ai ki ngā rangapū e rua, ā, i ahu mai ai i ngā ratonga me ngā whakahaere e rua tekau mā whā.
