State of Te Reo Māori
He tirohanga matawhānui tēnei pūrongo mō te āhua o te reo Māori i Aotearoa i ngā tau rua tekau kua hipa. Ka tūhuratia ngā ia me ngā tirohanga mā roto i ngā kaupapa reo matua e whā: tūnga, ako, matatau, whakamahi. I ahu mai ngā mōhiohio i ngā tūmomo huinga raraunga whānui, ka whakatakoto te pūrongo i ngā mahi kua oti, he whakaatu i ngā wāhi māharahara, me te whakarāpopoto i ngā arawātea mō ngā rangahau ā muri ake hei tautoko i ngā mahi hei whakarauora haere tonu i te reo Māori.
I whakarewahia e te Heamana o Te Poari o Te Taura Whiri i te Reo Māori, a Tākuta Rawinia Higgins i te pūrongo tuatahi mō Te Āhua o Te Reo Māori i te Hepetema 2025. I kitea i roto i te whakaaturanga, ahakoa kei te tipu haere tonu te tautokohia o te reo Māori, he iti tonu tōna whakamahinga - e whakararu nei pea i te puna kaikōrero o āpōpō. I kitea hoki te hiahia kia nui ake ngā kaiako reo Māori hei tautoko i ngā ākonga, tae atu ki ngā kaupapahere pūmau hei tautoko i tētahi rautaki whakarauora reo tuku iho.
E tino mōhiotia ana ngā mahi whakaora reo o Aotearoa i tāwāhi hei tauira mahere whakarauora reo iwi taketake, ā, nā te tere tipu o te hangarau AI hei utauta mō te ako reo, he mea nui tonu kia whakatauiratia tonutia e tātou ngā mahi tiketike, me te rapu māramatanga i ō tātou ngoikoretanga hei whakakaha i tā tātou e whai ana.
