Te Tauira Tohu Ora o te Reo Māori
He ‘whakaoho whakaaro’ tēnei tuhinga mā Te Taura Whiri i te Reo (Te Taura Whiri), ā, he āwhina kia mōhio ai me pēhea te whakaū, te urutau rānei i 'ngā tauira tohu ora o te reo' hei aromatawai i te ora o te reo Māori ka mutu me pēhea te whakakaha i ngā mahi whakarauora i te reo Māori. Ahakoa ko te tino kaupapa kia whakaaroarohia e Te Taura Whiri, e hiahia ana mātou ki te whakaatu i tēnei pūrongo o ā mātou kitenga me ngā māramatanga i roto ki te hunga e tautoko ana i ngā mahi whakarauora, me te kōrerohia whānuitia o te reo Māori me ētahi atu reo iwi taketake huri noa i te ao.
Ko te tauira e manakohia ana ko te Pā Tūwatawata i te mea koinei ake te tauira i arotakehia mō tēnei tuhinga i āta hangaia mō te reo Māori, mai i te tirohanga ao Māori. Ka tautoko te tauira āhuatanga e iwa a UNESCO i te Pā Tūwatawata, he utauta ā-ao tērā. Mā ēnei tauira e rua, ko te painga atu ka whakamahia ngā tauira e ngā Maihi e rua, hei whakakaha i ngā mahi tōpū whakarauora reo me te tautoko i ngā āhuatanga mahi tahi puta noa i Te Whare o Te Reo Mauriora. Mā tēnei aronga ngātahi ka puta anō he rangahau atu anō me ngā kohikohi raraunga kia mārama, kia poto, kia ōrite hoki te whakamahia – e mōhiotia ai kei te pēhea.
