Ko te arotahi atu ki ngā ākonga me ō rātou whānau, me te whakarato i ngā arawātea mātauranga kounga, me te tautoko hoki i ngā akoranga ka mau tonu nei te hāngai ki a ngāi Aotearoa o nāianei, o anamata hoki. Ko ēnei ētahi o ngā whāinga a Te Tāhuhu o te Mātauranga. 

Ka āwhina Te Tāhuhu o te Mātauranga ki te hanga i te āhua o te pūnaha mātauranga o Aotearoa mā te whakarite i te ahunga rautaki, whakawhanake kaupapahere, tuku tautoko hoki ki ngā kaiwhakarato mātauranga, me ngā hapori, me ngā kaiako. 

He wāhi nui hoki tōna ki te whakawhanake i te Maihi Karauna – te rautaki a te Karauna ki te whakarauora i te reo mō ngāi Aotearoa katoa. Hei manu tāiko ā-motu i te rāngai mātauranga, kua whakamāoritia e Te Tāhuhu o te Mātauranga ngā whāinga a te Maihi Karauna kia rua ngā rautaki tāwhana pūtahi. 

Ka Hikitia – he rautaki reo Māori mā ngā ākonga. 

Tau Mai Te Reo – he rautaki reo Māori mā ngā ākonga katoa. 

He pēnei tāna whakamārama i te wawata o Tau Mai Te Reo: 

“Ki te waihanga i te panonitanga, he mea nui ki te whakatō i a Tau Mai Te Reo ki tēnei anga ki te whakatūturu e whakahāngai ana tātou i te whakakitenga, i te pūtake me te koringa huri noa i tō tātou pūnaha mātauranga ki te whakarahi ake i te reo Māori i te mātauranga me te whakatupu i te mātauranga mā te reo Māori.” 

Ko ētahi o ngā whāinga kei raro iho nei e whakaurua ana ki āna rautaki: 

• He whakatūturu he mahere reo Māori tā ia ratonga mātauranga, ā, ka ngangahu te kawatau me whakauru ngā tikanga Māori me te reo Māori ki ngā marautanga me ngā kaupapahere.  

• Whakapātaritari i te popono ki ngā akoranga reo Māori mā te whakatairanga ake i ngā taiopenga pēnei i Te Wiki o te Reo Māori me te mahi ki ngā pūtahi ki te whakapiki ake i te pahekohekotanga.  

• Whakatokomaha ake i te ohu mahi mātauranga mā te tuku pūtea tāpiri, karahipi, me ngā whakangungu ngaio ki te tautoko i te whakaako i te reo Māori, tae atu ki te Utu Tāpui Whakaako Rumaki Māori (MITA).  

• Te whakarato i ngā rauemi tino kounga mā ngā tomokanga ipurangi me te pūtea ki te whakahōu i te marautanga reo Māori, me te whakapakari ake hoki i ngā huarahi kaupapa reo Māori, tae atu ki te National Māori Medium Network Plan. 

Ka nui te mihi a Te Taura Whiri i te Reo Māori i te tū mai a Te Tāhuhu o te Mātauranga hei kaitautoko mō te Wāhanga Mātauranga i Ngā Tohu Reo Māori 2024.

Ko te toa i tēnei wāhanga ko Tupu Ora. He rōpū whakahaere ia e mahi ana i tētahi whatunga tino nui o ngā hononga. I whakatūria rātou i te hiahia ki te whakapiki ake i te oranga o ngā tāngata katoa, mā te kōkiri me te whakarei ake i te mana o ngāi Māori. E taea ana ōna awenga te kite huri noa i ngā rāngai tūmataiti, tūmatanui, hapori hoki.  

I whakapuakina e ngā kaiwhiri o Ngā Tohu 2024 ko tēnei rōpū whakahaere. “he kaiāwhina nui ki te whakapakari ake i ngā raukaha ki te whakamahi i te reo Māori i te rāngai mātauranga mā āna hōtaka” Haramai tētahi āhua! Ka nui te mihi ki Te Tāhuhu o te Mātauranga mōna i hāpai ake i ō tatou hautoa reo.