Mā te mahere reo Māori ka āta whakaritea ngā mahi whakaora i te reo kia nui ai ngā hua. 

Mā te tārai me te whakatinana i tētahi mahere reo Māori, ka puta ēnei hua ki tō whakahaere:

• Ka whai wāhi koutou ki te whakarauoratanga o te reo Māori.
• Ka torokaha ake ō koutou hononga ki a ngāi Māori. 
• Ka kaha ake te kitea nō Aotearoa tō whakahaere. 
• Ka hauora ake tō whakahaere, mā roto mai i tā koutou whakatupu i tētahi tokomatua māia, whai mātauranga, whai pūkenga.
• Ka tutuki ētahi atu o ā koutou whāinga e noho taonga ai te kōrero Māori, pēnei i ngā mahi whakawhanaunga a te Karauna ki ngā iwi Māori, i te kanorautanga, i te kauawhitanga me te aronui ki ngā ahurea.   

Tirohia te Whakamahere Reo mō ngā pārongo e mōhio ai koe me tīmata i hea.