Woolworths New Zealand – e tautoko ana i ngā rangatahi kia angitu
Ko Woolworths tētehi o ngā kaihokohoko ārahi i Aotearoa nei, ā, ka neke atu i te 3 miriona āna kiritaki i ia wiki.
E aro ana a Woolworths ki te tuku i ngā kōwhiringa me ngā uara pai katoa, me te whakamāmā i te hoko.Waihoki, ka noho mai ngā haepapa pāpori, taiao hoki hei aronga matua ki a rātou.
He mea tuitui te reo Māori ki te wheako hokohoko o ia rā ki Woolworths. He reorua ngā ingoa o ngā tari, e āhei ana hoki ngā kiritaki ki te whakamahi i te reo Māori i te paeutu hoko kuhu i te hokomaha, ā, e kitea ana, e rangona ana hoki te reo i ngā pānui tūmataiti, tumatawhānui hoki.
I ia tau, ka whakanui ngātahi a Woolworths me ngā kiritaki me te ohu i Te Wiki o te Reo Māori. Tuia ki tēnā, ka rahi ake te whakauru i te reo Māori ki ā rātou pānui hokohoko, me ngā pūwhara tuihono me te reo irirangi i te hokomaha. Ka whai wāhi te ohu o Woolworths ki ngā harakoakoa mā te waiata, me te ‘karawhiu’ noa i te reo i runga pāhopori, me te toha atu i ngā kai taketake ake a te ao Māori.
Kua tautoko kē a Woolworths i te rangatahi mā ngā kaupapa pēnei i ā rātou toha moni ‘Growing for Good’ me te kohi pūtea mā RainbowYOUTH. Nō reira, he mea māori noa ki te tautoko i te tohu Rangatahi i Ngā Tohu Reo Māori 2024.
Ka whakamihi te Tohu Rangatahi i ngā rangatahi, ngā kaupapa rānei e ārahi ana ngā rangatahi e hāpai ake ana i te whakataunoatanga o te reo Māori. I te tau 2024, ka tukua tēnei tohu ki Ngā Tapuwae a-Taraika. He pakihi tāpoi e ārahina ana e ngā rangatahi tēnei i whakatūria ai e ngā ākonga o Te Kura Kaupapa Māori o Ngā Mokopuna.
He mea tuku te tohu nā Anita Smith, Pou Arataki Matua Whakawhanake Ara Tukutukuki Woolworths New Zealand, hei tāna: “He wheako ātaahua noa, whakamana noa hoki ki te whai wheako ki te pō, me te mātakitaki i ngā mahi e whakaawetia ana e ā tatou rangatahi ki te kawe mai i te reo ki ngā mahi o ia rā i ā tātou pāhekoheko o ia rā mā te katoa.
Nō Te Taura Whiri i te Reo Māori te waimarie ki te mahi tahi ki a Woolworths New Zealand. E hīkaka ana mātou kia haere tonu tā mātou mahi tahi ki te whakanoi ake i te reo Māori hei reo o ia rā.