He pai ngā kaupapa pēnei i Te Wiki o te Reo Māori me Mahuru Māori hei whakakorikori i te motu ki te hāpai i te reo. 

Nō te tau 2017 i whakarewahia ai a Mahuru Māori. Ko tāna, he mātātaki i te hunga matatau ki te reo kia kōrero Māori anake mō te katoa o te Mahuru. 

I te 2020, ka whakaterea e mātou he pae tukutuku hou ko www.reomaori.co.nz te ingoa. Ko tāna, he āwhina i ērā e ako ana, e awhi ana i te reo, mō te roanga atu o te tau, ehara kau ana mō te marama o Mahuru anahe. Nō reira, kua takoto he ara e āta tautokona ai te hunga hāpai i te reo, haere he wiki, haere he marama, mō te roanga o te tau.