Ngā taonga whakatairanga

  • Āe rānei ka taea te hoko ngā taonga whakatairanga i te reo Māori?

    Answer

    Kāore e hokona ana ā mātou taonga whakatairanga i te reo. He pūtahi kāwanatanga mātou, me te aha, hei here kei runga i a mātou mō ngā momo mahi tauhokohoko e whakaaetia ana kia kawea e mātou. 

    Heoi anō, mā tō whai wāhi mai ki ā mātou kaupapa whakatairanga me ā mātou kaupapa tukukoha i ā mātou pae matihiko, tērā pea koe e waimarie, e whiwhi i te taonga whakatairanga.

    Waihoki tō mātou waitohu o te heitiki, e wātea ana tērā hei kapo tuihono māu, e pai ai tō tā atu ki tōu anō kākahu, mōu ake, ina hiahia koe. Engari kāore e whakaaetia tō hoko atu, arā, tō mahi moni ki te waitohu nei. Ki konei koe tiki ai i te tohu nei me te pānui anō i ngā here kei runga.

     

  • Kei te pai tāku ake tā mai i ngā taonga whakatairanga?

    Answer

    E wātea ana tēnei waitohu ki te hunga tūmatanui hei tautoko i ā rātou kaupapa whakaora ake i te reo Māori. E pai ana tō tā atu ki āu anō taonga whakatairanga, engari kia kaua rawa e puta he hua taha moni nei ki a koe, ki a wai ake rānei i te whakamahinga.

    E whakaaetia ana te tā atu ki ngā poraka me ētahi atu hanga mō tō wāhi mahi, tō kura, tō rōpū rānei, engari kaua e tāpiria he utu atu anō ki te utu waihanga. Māu anō e whakarite te tānga, te kaiwhakarato anō hoki. 

    Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu me ngā here anō hoki kei runga.  Ki konei tīkina ai te waitohu heitiki e pai ana mō ngā mahi tā.   




  • He aha koutou e kore nā e hoko i ngā taonga whakatairanga? He huarahi tino pai hoki hei whakatairanga i te reo.

    Answer

    He pūtahi kāwanatanga mātou, me te aha, hei here kei runga i a mātou mō ngā momo mahi tauhokohoko e whakaaetia ana kia kawea e mātou. 

    E wātea ana tō mātou waitohu ki te hunga tūmatanui hei tautoko i ā rātou kaupapa whakaora ake i te reo Māori. E pai ana tō tā atu ki āu anō taonga whakatairanga, engari kia kaua rawa e puta he hua taha moni nei ki a koe, ki a wai ake rānei i te whakamahinga.

    E whakaaetia ana te tā atu ki ngā poraka me ētahi atu hanga mō tō wāhi mahi, tō kura, tō rōpū rānei, engari kaua e tāpiria he utu atu anō ki te utu waihanga. Māu anō e whakarite te tānga, te kaiwhakarato anō hoki. 

    Ina whakamahia te tohu nei, ko tō whakaaetanga tēnā ka ū mārika koe ki ngā aratohu mō te waitohu me ngā here anō hoki kei runga. Ki konei tīkina ai te waitohu heitiki e pai ana mō ngā mahi tā.